लूका 4:36 - परमेश्‍वरए ताँ तमु क्युइर

³⁶ छ तब् म्रोंसि ताँन् म्‍हिमैं प्लेटोयासि “चु खैतबै ताँ जा? चुइमि हग नेरो शक्‍ति मुँल्‍ले मोंमैं हौदिबै तोदोंन् मोंमैं छ्युडिह्‍यामना बिसि ह्रों-ह्रोंसन् ताँ लबर होंइ।”

लूका 4:36 ပူးပေါင်းရင်းမြစ်များ

मत्ती 9:33

येशूजी मों ल्‍हावाबै लिउँइँ च लडा पोंइ। छतमा “इस्राएल ह्‍युलरि छ तब खोंयोंइ आम्रोंल,” बिसि म्‍हिमैं प्लेटोयाइ।

मर्कूस 1:27

छ तब् म्रोंसि चर मुँबै म्‍हिमैं ताँन् प्लेटोयासि “चु खै तबै म्हि मुँगे? खोंयोंइ आथेबै ताँमैं या लोमिंमना! धै हग मुँल्‍ले मोंमैंलाइ त्होंह्‍याद् बिमा मोंमैंइ खीजी बिब ङिंमना बिबर होंइ।”

मर्कूस 7:37

चु ताँ थेब्मैं ताँन् प्लेटोयासि “येशूजी तो के बिलेया छ्याँब लमना। न्‍ह आथेबै म्‍हि थेल् लमना, आपोंबै म्‍हि पोंल् लमना बिबर होंइ।”

लूका 2:18

प्ह्रोंछैंमैंइ बिबै ताँ थेब्‍मैं ताँन् प्लेटोयाइ।

लूका 4:32

खीजी लोमिंबै ताँ थेब्मैं प्लेटोयाइ तलेबिस्याँ खीजी हग मुँल्‍ले ताँ पोंमल।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।