लूका 4:23 - परमेश्‍वरए ताँ तमु क्युइर

²³ येशूजी चमैंने बिइ, “ओ बैद्य, क्‍हि ह्रोंसलाइन सल् लद्‍। क्हिजी कफर्नहुमर तो-तो केमैं ल‍इमुँ बिब ङिंइ थेल। छतसि चर लब् धों तबै केमैं ह्रोंसए नाँसरै या लद्‍ बिबै चु अहान् क्ह्रोसेंन क्‍हेमैंइ ङने बिब्मुँ आङिं वा।”

लूका 4:23 ပူးပေါင်းရင်းမြစ်များ

मत्ती 13:54

झाइले ह्रोंसए नाँसर खसि चमैंए च्हों धिंर ताँ लोमिंमा खीए ताँ थेबै म्हिमैं प्लेटोयासि बिइ, “चु छाबै औदिबै केमैं लबै शक्‍ति नेरो बुद्धि चइ खनिउँइँले योंगे?

मत्ती 4:13

येशूजी ह्रोंसए नासरत बिबै नाँस पिसि कफर्नहुम बिबै नाँसर युसि टिबर होंइ। चु सहर जबूलून नेरो नप्‍ताली ह्‍युलए चेंदो मा ङ्युए छेउर मुँ।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मर्कूस 6:1

झाइले च क्‍ल्‍ह्‍योउँइँले येशू खीए नाँस नासरतउँइँन ह्‍याइ। खीए चेलामैं या खीए लिलिन् ह्‍याइ।

लूका 2:39

परमेश्‍वरए छ्वेर बिब् धोंले लल् त्‍हुबै ताँन् के लल् खाँसि योसेफ नेरो मरियम कोलो बोसि गालील ह्‍युलर्बै नासरत बिबै ह्रोंसए नाँसर एह्‍याइ।

लूका 2:51

च लिउँइँ येशू चमैंने बालु नासरत नाँसर एह्‍याइ, धै आबा आमाइ बिब् ङिंसि टिइ। चर म्रोंबै ताँन् ताँमैं आमाइ सैंर थेंइ।

लूका 4:16

झाइले येशू ह्रोंस फाराबै सहर नासरतर ह्‍याइ। खी प्रिबै त्हिंइर च्हों धिंर ह्‍याब्रें लबै बाँनि मुँल। छतसि च्हों धिंर ह्‍यासि परमेश्‍वरए छ्वे खेबर राइ।

लूका 4:31

च लिउँइँ येशू गालील ह्‍युलर्बै कफर्नहुम बिबै नाँसर ह्‍यासि प्रिबै त्हिंइर म्हिमैं लोमिंरिल।

लूका 4:35

छबिमा येशूजी हौदिदै च मोंने बिइ, “आपोंन्, च म्हिउँइँले त्‍होंइ ह्‍याद्।” बिमा मोंइ चलाइ म्हिमैंए म्हाँजोर प्योवासि तोइ नल् आलल्‍ले च म्हिउँइँले त्होंइ ह्‍याइ।

लूका 6:42

क्हिइ ह्रोंसए मिर्बै म्हुँडा आम्रोंस्याँ, ह्रोंसए अलिने ‘ओ अलि क्‍हिए मिर कसिं मुँन तेमिंले ओ,’ बिसि क्‍हिइ खैले बिल् खाँम्? ओ फिब्लो पार्दिब्मैं! ओंसों ह्रोंसए मिर्बै म्हुँडा तेद्, धै बल्‍ल ह्रोंसए अलिए मिर्बै कसिं तेबर क्‍हिइ छेन्‍ले म्रोंल् खाँम्।

यूहन्‍ना 4:28

झाइले च च्हमिरि गौरि चर्न वाथेंसि नाँसर ह्‍यासि चर्बै म्‍हिमैंने बिइ,

२ कोरिन्थी 5:16

छतसि तारे ङिइ म्हिमैंलाइ ङ्ह्‍योमा चमैंने मुँबै बैरुबै सैमैंउँइँले आङ्ह्‍यो। ख्रीष्‍टलाज्यै ओंसों ङिइ छलेन् ङ्ह्‍योमल, तारे ङिइ खीलाइ छले आङ्ह्‍यो।