लूका 4:2 - परमेश्‍वरए ताँ तमु क्युइर

² येशू चर प्लिच्‍यु त्हिंइ समा टिमा दियाबलस बिबै दुष्‍ट जाँच लबर चर खइ। च्‍हौ त्हिंइ समा तोइ आचन्‍ले टिमा येशूलाइ फो ख्रेंल।

लूका 4:2 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

एस्तर 4:16

“छ बिस्याँ क्हि ह्‍यासि शूशनर्बै ताँन् यहूदीमैं खागु लद्, धै सोंरो समा त्हिंयाँ म्हुँइँस तोइ आचल्‍ले तोइ आथुँन्ले ङए ल्हागिर बर्त टिद्। ङ नेरो ङए केब्स्योमैं या छलेन् बर्त टिम्। च लिउँइँ ठिमए बिरोधर मुँलैया ङ म्रुँ अहासूरस ङाँर ह्‍याब्मुँ। सिल् त्हुम् बिस्याँ, ङ सिब्मुँ।”

प्रस्थान 24:18

मोशा न्हाँम्स्यो न्होंउँइँले कोंर ह्‍याइ, धै प्लिच्यु त्हिंइ प्लिच्यु म्हुँइँस चर टिइ।

प्रस्थान 34:28

मोशा सिनै कोंर याहवेहने बालु प्लिच्यु त्हिंइ प्लिच्यु म्हुँइँस तोइ आचल्‍ले तोइ आथुँल्‍ले टिसि युँमाए प्लनामैंर बाछा फैबै ताँमैं, अथवा म्हिमैंइ ललन् त्हुबै “च्युउलो ताँमैं” प्ह्रिइ।

योना 3:7

छले चइ निनवे सहरर छ बिइरि घोषना लइ, “म्रुँ नेरो चर्बै जिम्म नोब्मैंइ बिब् धोंले, न म्हिमैंइ, न ख्योदोमैंइ, न क्ल्ह्‍यामैं-मेमैंइ, न र-क्युमैंइ, खाबजै या तो सैमैं या आचरिगे धै क्युइ या आथुँरिगे।

मत्ती 21:18

प्‍हँन्हाँग्धों न्‍हाँक्‍कर्न सहरउँइँ एखमा येशू फो ख्रेंइ।

मत्ती 4:2

चर प्लिच्‍यु त्हिंइ प्लिच्यु म्हुँइँस समा बर्त टिमा येशूलाइ फो ख्रेंइ।

लूका 4:3

छतमा दुष्‍टइ येशूने बिइ, “क्हि क्‍ह्रोंसेंन परमेश्‍वरए च्‍ह ग बिस्‍याँ चु युँमा ‘चबै सै त‍याद्’ बिद्।”

यूहन्‍ना 4:6

चर याकूबइ ताबै क्‍यउदु घ्रि मुँल। येशू प्रना प्रन् नारासि च क्यउदुए रेर क्हुँरिल। च त्हेर त्हिंइ आधा तल।

हिब्रू 2:18

तलेबिस्याँ खीजी ह्रोंसजीन् थेबै दुःख नोल् त्हुइ दिलेया दुःखलाइ खीजी ट्होवाइ, छतसि दुःख तब्मैंलाइ खीजी ल्होमिंल् खाँम्।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।