लूका 4:16 - परमेश्‍वरए ताँ तमु क्युइर

¹⁶ झाइले येशू ह्रोंस फाराबै सहर नासरतर ह्‍याइ। खी प्रिबै त्हिंइर च्हों धिंर ह्‍याब्रें लबै बाँनि मुँल। छतसि च्हों धिंर ह्‍यासि परमेश्‍वरए छ्वे खेबर राइ।

लूका 4:16 ပူးပေါင်းရင်းမြစ်များ

मत्ती 2:23

चर ह्‍यासि नासरत बिबै सहरर टिइ। खीने नासरतथें बिब्‍मुँ बिसि अगमबक्‍ताइ स्‍योंमन् पोंबै ताँ छले पूरा तइ।

लूका 2:39

परमेश्‍वरए छ्वेर बिब् धोंले लल् त्‍हुबै ताँन् के लल् खाँसि योसेफ नेरो मरियम कोलो बोसि गालील ह्‍युलर्बै नासरत बिबै ह्रोंसए नाँसर एह्‍याइ।

लूका 2:42

येशू च्युसे ङ्हिंदिंर्बै तमा येशूलाइ बोसि चमैं चाड म्हाँदिबर यरूशलेमर ह्‍याइ।

लूका 2:51

च लिउँइँ येशू चमैंने बालु नासरत नाँसर एह्‍याइ, धै आबा आमाइ बिब् ङिंसि टिइ। चर म्रोंबै ताँन् ताँमैं आमाइ सैंर थेंइ।

लूका 4:15

खीजी चर्बै च्हों धिंजगोर परमेश्‍वरए ताँ लोमिंबर होंइ। छले लोमिंमा ताँन् म्‍हिमैंइ खीए छ्याँबै बयन लमल।

लूका 4:17

चर्बै म्हिमैंइ खीने यशैया अगमबक्‍ताइ प्‍ह्रिबै छ्वे पिंइ। खीजी च फैसि चु ताँ प्ह्रिबै खण्ड चमैंए ल्हागिर खेमिंइ:

लूका 4:21

झाइले खीजी चमैंने बिइ, “तिंयाँ क्‍हेमैंइ चु ताँ थेना थेन् परमेश्‍वरए छ्वेइ तो बिइमुँ छान् तइमुँ।”

लूका 4:23

येशूजी चमैंने बिइ, “ओ बैद्य, क्‍हि ह्रोंसलाइन सल् लद्‍। क्हिजी कफर्नहुमर तो-तो केमैं ल‍इमुँ बिब ङिंइ थेल। छतसि चर लब् धों तबै केमैं ह्रोंसए नाँसरै या लद्‍ बिबै चु अहान् क्ह्रोसेंन क्‍हेमैंइ ङने बिब्मुँ आङिं वा।”

यूहन्‍ना 18:20

येशूजी चने बिइ, “ङइ म्हिमैंए उँइँर ताँनइ थेल्‍ले बिइमुँ। ङइ खोंयोंन् बिलै यहूदीमैं खागु तबै म्हि च्हों धिंर नेरो मन्दिरर लोमिंमल। ङइ आसेल्‍ले तोइ आबिइमुँ।

चेला चिब्मैंए केमैं 17:2

पावल सोदा धोंलेन् यहूदीमैंए च्हों धिंर ह्‍याइ। धै सद सों समा प्रिबै त्हिंइर चमैंने छलफल लरिइ।