लूका 3:36 - परमेश्‍वरए ताँ तमु क्युइर

³⁶ शेलहए आबा केनान मुँल। केनानए आबा अर्पक्षद मुँल। अर्पक्षदए आबा शेम मुँल। शेमए आबा नोआ मुँल। नोआए आबा लेमेख मुँल।

लूका 3:36 ပူးပေါင်းရင်းမြစ်များ

उत्पत्ति 5:3

आदम प्रसे सोंच्‍यु बर्ष तमा चइ च्‍ह घ्रि योंइ। चए मिं शेत थेंइ।

उत्पत्ति 6:22

परमेश्‍वरजी बिब् धोंले नोआइ ताँन् लइ।

उत्पत्ति 7:13

च त्हिंइर्न नोआ, चए प्ह्रेंस्यो, च्हमैं शेम, हाम, येपेत नेरो चमैंए प्ह्रेंस्योमैं सौंलो क्यु झाज न्होंर होंइ।

उत्पत्ति 7:23

पृथ्‍बीर मुँबै ताँन् सो प्ह्‍याबै सैमैं म्हि, खेदो, क्ल्याँइ प्रबै प्हँलाँ-प्हुँलुँ, नमेंमैं ताँन् पृथ्‍बीउँइँले याहवेहजी नास लवाइ। नोआने बालु झाजर मुँब्मैं मत्‍त्रे सोइ।

उत्पत्ति 8:1

दिलेया परमेश्‍वरजी नोआ नेरो चने बालु क्यु झाजर मुँबै ताँन् धिंर न्हबै खेदोमैं नेरो क्ह्‍योंर्बै खेदोमैं मैंसि पृथ्‍बीर खैं कुल्मिंइ। धै क्यु ङ्हारबर होंइ।

उत्पत्ति 9:1

च लिउँइँ परमेश्‍वरजी नोआ नेरो चए च्हमैं आशिक पिंसि “प्हारदै रोदै, सन्तानमैं ल्हें तदै पृथ्‍बीर प्लिंदै ह्‍याद्,” बिइ।

उत्पत्ति 9:18

झाजउँइँले बैरु त्होंसि खबै नोआए च्हमैं शेम, हाम नेरो येपेत ग। हाम कनानए आबा मुँल।

लूका 17:27

नोआ क्‍यु झाजर आहोंन् समा च त्‍हेर्बै म्हिमैं चब, थुँब, ब्ह्‍या लब लसिन् मुँल, चमैं छले ढुक्‍कले ह्रों-ह्रोसए पार्लेन् प्ररिबै त्हेर्न थाइ आसेल्‍ले थेबै नाँ बाडिइ युसि म्हिमैं ताँन् सैवाइ।

लूका 3:35

नाहोरए आबा सरूग मुँल। सरूगए आबा रऊ मुँल। रऊए आबा पेलेग मुँल। पेलेगए आबा एबेर मुँल। एबेरए आबा शेलह मुँल।

लूका 3:37

लेमेखए आबा मतूशेलह मुँल। मतूशेलहए आबा हनोक मुँल। हनोकए आबा येरेद मुँल। येरेदए आबा महलालेल मुँल। महलालेलए आबा केनान मुँल।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

२ पत्रुस 2:5

छलेन ओंसोंबै पृथ्बीलाज्यै या परमेश्‍वरजी नास लवाइ, खीजी बिब् आङिंसि खैच्हिजी लप्रबै ताँन् म्हिमैंलाइ खीजी क्‍युइ म्‍यालवासि सैवाइ। दिलेया ठिक के लल् त्हुम् बिसि बिप्रबै म्हि नोआ मुँल। छतसि परमेश्‍वरजी नोआ नेरो अरू म्हि ङि जोगेमिंइ।