लूका 3:23 - परमेश्‍वरए ताँ तमु क्युइर

²³ येशूजी धाँसे ओंसों औदिबै के लबर होंमा खी सोंच्‍यु बर्षर्बै दे मुँल। खी योसेफए च्ह ग बिसि म्हिमैंइ मैंमल। योसेफए आबा एली मुँल।

लूका 3:23 ပူးပေါင်းရင်းမြစ်များ

उत्पत्ति 41:46

मिश्रर्बै फारो म्रुँए के लबै त्हेर योसेफ सोंच्यु बर्षर्बै मुँल। च त्हेसेरो योसेफ फारो ङाँइले त्होंसि मिश्र ह्‍युल तिगोंन् प्रबर होंइ।

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

मत्ती 1:16

याकूबए च्‍ह योसेफ मुँल। योसेफए प्ह्रेंस्यो मरियम मुँल। मरियम परमेश्‍वरजी कुल्मिंबै म्रुँ ख्रीष्‍ट येशूए आमा मुँल।

मत्ती 1:6

यिशैए च्‍ह दाऊद म्रुँ मुँल। दाऊद म्रुँए च्‍ह सोलोमन मुँल। सोलोमनए आमा बतसेबा मुँल। बतसेबाए ब्ह्‍या ओंसों उरियाहने तल।

मत्ती 13:55

चुम् सिंए के लबै म्हिए च्‍ह आङिं वा? चुए आमाए मिं मरियम आङिं वा? धै याकूब, योसेफ, सिमोन नेरो यहूदा चुए अलिमैं आङिं वा?

मत्ती 4:17

येशू कफर्नहुम नाँसर टिबै त्हे ओंनोंन् म्हिमैंने “पाप केमैं लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स (राज्‍य) चेंदोन् खइमुँ बिबर होंइ।”

मर्कूस 6:3

चुम् सिंए के लबै म्हि आङिं वा? चु मरियमए च्‍ह, याकूब, योसेफ, यहूदा नेरो सिमोनए आघें, आङिं वा? खीए अङाँमैं या चुर्न मुँ!” छ बिसि चमैंइ खी म्हि आच्हिन् लइ।

लूका 2:48

खी म्रोंसि आबा आमा या प्लेटोयाइ। धै आमाइ खीने बिइ, “ठागु, क्‍हिजी तले ङि छाबै दुःख पिंल? क्‍हिए आबा नेरो ङ बेल्‍ले न्हुँ लसि क्हिलाइ म्‍हैदै प्रइ!”

लूका 3:31

एल्याकिमए आबा मलेआ मुँल। मलेआए आबा मिन्‍ना मुँल। मिन्‍नाए आबा मत्ताथा मुँल। मत्ताथाए आबा नातान् मुँल। नातानए आबा दाऊद मुँल।

लूका 4:22

ताँन् म्हिमैंइ “चुम् स्‍वाबै म्हि मुँन!” बिसि खीए छ्याँबै बयन लइ, धै खीजी पोंबै सैं तोंबै छ्याँबै ताँमैं थेसि चमैं ताँन् प्लेटोयाइ। धै “चुम् योसेफए च्‍ह आङिं वा?” बिसि चमैंइ बिइ।

यूहन्‍ना 1:45

च लिउँइँ फिलिपइ नथानेलने त्होसि बिइ, “मोशाए ठिम नेरो अगमबक्‍तामैंज्यै या म्हि घ्रिए बारेर प्ह्रिथेंल, च म्हि तिंयाँ ङिइ त्होइ खी योसेफए च्‍ह नासरतथें येशू मुँन।”

यूहन्‍ना 6:42

“चु योसेफए च्‍ह येशू आङिं वा? चुए आबा-आमा ङिइ ङो सेम्। तोगो चुइ खैले ङ स्‍वर्गउँइँले तयुब् ग बिसि बिमुँ?” बिसि चमैंइ बिइ।

चेला चिब्मैंए केमैं 1:1

ओ थियोफिलस, येशूजी सुरु लबै के नेरो लोमिंल् म्हैबै ताँए बारेर ङइ “लूका” बिबै कितबर ओंसोंन् प्ह्रिथेंइँमुँ।