लूका 3:19 - परमेश्‍वरए ताँ तमु क्युइर

¹⁹ दिलेया हेरोद म्रुँइ ह्रोंसए अलिए प्ह्रेंस्यो हेरोदियासलाइ प्ह्रेंस्यो लसि थेंब नेरो चइ आछ्याँबै केमैं लबइले यूहन्‍नाइ चलाइ हौदिल।

लूका 3:19 ပူးပေါင်းရင်းမြစ်များ

हितोपदेश 15:12

खैच्हिजिले पोंबै म्हिइ लोदा सैंदा लबै म्हिलाइ आखो; बुद्धि मुँबै म्हिइ पिंबै सल्‍ला चइ आम्है।

मत्ती 11:2

बप्‍तिस्‍मा पिंबै यूहन्‍नाइ येशू ख्रीष्‍टजी लबै केमैंए बारेर थेसि ह्रोंसए चेलामैं येशू ङाँर ताँमैं ङ्योएबर कुल्‍मिंइ।

मत्ती 14:1

च त्हेर गालील ह्‍युलर्बै हेरोद म्रुँइ येशूए बारेर्बै ताँ थेइ।

मत्ती 14:6

दिलेया हेरोद फिबै त्हिंइ म्हाँदिमा हेरोदियासए च्हमि प्‍ह्रेंमैंए उँइँर म्रुँ सैं तोंन् लबर बेल्‍ले छेन्‍ले सेइ।

लूका 3:1

रोम सहरर्बै तिबेरियस बिबै म्‍हिइ च्युसे ङ्‍हदिं समा ग्याल्स लमा पन्‍तियस पिलातस यहूदीया ह्‍युलर्बै क्रथे मुँल। च त्हेर गालील बिबै ह्‍युलर हेरोद म्रुँ मुँल। इतुरिया नेरो त्राखोनितिस बिबै ह्‍युलर हेरोदए अलि फिलिप म्रुँ मुँल। अबिलेने बिबै ह्‍युलर लुसानियास बिबै म्हि म्रुँ मुँल।

लूका 3:18

छाबै ल्‍हें खालर्बै अर्थिए ताँमैं बिसि यूहन्‍नाइ परमेश्‍वरजी कुल्‍मिंबै म्रुँ ख्रीष्‍टउँइँले खबै सैं तोंबै ताँमैं म्हिमैंने बिप्रइ।