लूका 3:13 - परमेश्‍वरए ताँ तमु क्युइर

¹³ यूहन्‍नाइ चमैंने “सरकारइ तोक्दिब् भन्दा ल्हें मुइ आकिंन्,” बिइ।

लूका 3:13 ပူးပေါင်းရင်းမြစ်များ

भजनमैं 18:23

ङइ आछ्याँबै केमैं तोइ आलल्‍ले टिल। छतसि खीए उँइँर ङ छ्याब् आरेब् मुँल।

हितोपदेश 28:13

पापमैं लोइरि थेंबै म्हिल खोंयोंइ छ्याँब आत, दिलेया “पापमैं लइमु” बिसि पिवाबै म्हिइ आशिक योंम्।

मत्ती 7:12

“म्‍हिमैंइ क्‍हेमैंलाइ छ्याँब् लरिगे ङ्हाँब् धोंले क्‍हेमैंज्‍यै या चमैंलाइ छान् लद्। स्‍योंम्‍बै मोशा नेरो अगमबक्‍तामैंइ बिल् म्हैबै ताँ चुन् ग।”

लूका 19:8

च्हमन् जखायस रासि प्रभु येशूने बिइ, “प्रभु, ङ तारे ह्रोंसए सै न्होरए आधा भाग ङ्हाँदुमैं चुमिंम्। झाइले ङइ रोमी म्रुँए ल्हागिर बालि रेमा खाबलाज्यै या लुसि मुइ किंना बिलेया तिबाँर प्लिबाँ तेंसि चमैं एमिंब्‍मुँ।”

लूका 3:12

झाइले रोमी म्रुँए ल्हागिर बालि रेब्‍मैं या क्युर प्ल्हुँसि बप्‍तिस्मा किंबर खल। चमैंइ यूहन्‍नाने “ओ गुरु, तारे ङिइ तो लल् त्हुम् बिसि ङ्योइ?”

लूका 3:14

को-कोइ सिपाइमैंज्यै या “ङिइ खै लल् त्‍हुम्?” बिसि यूहन्‍नाने ङ्योएइ। यूहन्‍नाइ चमैंने बिइ, “खाब‍लाज्‍यै या अनिया लसि स्योर्गों छ्याब् ल्हैदिसि आलुट्दिद्। क्‍हेमैंए नों सै कति योंमुँ च्‍हगर्न सन्‍दोक तद्।”

१ कोरिन्थी 6:10

ह्‍योमैं, लोबिमैं, प्हा ल्हें थुँसि म्हेरब्‍मैं, ह्रिस लब्‍मैं, आगुलाइ लुडिब्मैं, खाबज्‍यै या परमेश्‍वरउँइँले योंल् त्‍हुबै आशिक योंल् आखाँ।

एफिसी 4:28

ह्‍योब्मैंइ तारेपिरु आह्‍योरिगे, बरु चमैंइ ह्रोंसए योइ बेल्‍ले दुःखले के लरिगे धै खाँचो तब्मैंलाइ पिंल् खाँरिगे।

हिब्रू 12:1

ङ्योए खागु च्‍हौ ल्‍हें म्हि साक्षि मुँबइले, ताँन् खालर्बै दुःख नेरो ङ्योलाइ क्होइ थेंबै पाप स्योवासि तौदिबै क्‍ल्‍ह्‍योर आफेन् समा ङ्यो ढुक्‍कले न्हेले।