लूका 24:52 - परमेश्‍वरए ताँ तमु क्युइर

⁵² छाब् म्रोंसि चमैं परमेश्‍वर‍ए मिं क्वेदै येशू क्ह्रोंसेंन परमेश्‍वर मुँन बिसि सैं तों-तोंइ यरूशलेमउँइँ एखइ।

लूका 24:52 ပူးပေါင်းရင်းမြစ်များ

भजनमैं 30:11

ङ क्रोरिमा क्हिजी ङ सैं तोंल् लमिंइ; क्हिजी ङए नइँए ह्रेंग प्लिमिंसि खाँसों ङ्हाँबै क्वें खिमिंइ।

मत्ती 28:17

चमैंइ चर खीलाइ म्रोंसि सैं तोंसि फ्‍योइ, दिलेया कोइ चेलामैंइ बिस्याँ संका लइ।

मत्ती 28:9

छले ह्‍यारिमा तिखेर्न येशू चमैंने त्‍होसि “क्हेमैंने शान्ति तरिगे,” बिइ। धै चमैं चेंदो खसि येशूए प्‍हले क्‍हासि फ्‍योइ।

लूका 24:51

छले आशिक पिंरिबै तोंर्न खी चमैंउँइँले स्वर्गर बोवाइ।

लूका 24:53

झाइले खोंयोंन् बिलै परमेश्‍वए मिं क्वेदै चमैं यरूशलेमर्बै मन्दिरर्न टिरिमल।

यूहन्‍ना 14:28

‘ङ ह्‍यासिन् मुँ, धबै क्हेमैं ङाँर’ युब्मुँ बिसि ङइ बिबै ताँ क्हेमैंइ थेइ। क्हेमैंइ ङलाइ म्हाँया लस्याँ ङ आबा ङाँर ह्‍यासिन् मुँ बिब् थेसि क्हेमैं सैं तोंमल। तलेबिस्याँ ङ भन्दा थेब आबा मुँ।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

यूहन्‍ना 16:7

छान् तलेया ङइ क्हेमैंने क्ह्रोंसेंन्बै ताँ बिमुँ, ङ छुइले ह्‍याबन् क्हेमैंए ल्हागिर छ्याँब् तम्। तलेबिस्याँ ङ आह्‍याइ बिस्याँ ल्होमिंबै पबित्र प्ल्ह क्हेमैं ङाँर युरिब् आरे। ङ ह्‍याइ बिस्याँ पबित्र प्ल्ह क्हेमैं ङाँर कुल्मिंब्मुँ।

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

चेला चिब्मैंए केमैं 1:12

च लिउँइँ चमैं जैतून बिबै कोंउँइँले यरूशलेमर एखइ। यरूशलेमउँइँले चु कों किलोमिटर घ्रि दे ह्रेंगो मुँल।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,