लूका 24:48 - परमेश्‍वरए ताँ तमु क्युइर

⁴⁸ तलेबिस्याँ क्‍हेमैंन् चु ताँए ग्वाइ पिंब्मैं ग।

लूका 24:48 ပူးပေါင်းရင်းမြစ်များ

यूहन्‍ना 15:27

क्हेमैं ओंसों ओंनोंन् ङने बालु मुँबइले क्हेमैं या ङए साक्षि ग।”

चेला चिब्मैंए केमैं 1:22

यूहन्‍नाइ येशूलाइ बप्‍तिस्‍मा पिंबै त्हिंइउँइँले येशू स्वर्गर बोवाबै त्हे समा ङ्योने बा-बालु प्रब्-टिबै म्हि तल् त्हुम्। च म्हिइ येशू सिबउँइँले धबै सोगों तइ बिसि ग्वाइ पिंल् खाँब तल् त्हुम्।”

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

चेला चिब्मैंए केमैं 10:39

खीजी यहूदीमैंए ह्‍युल नेरो यरूशलेमर लबै ताँन् केमैं ङिइ म्रोंइँमुँ। च लिउँइँ म्हिमैंइ खी क्रूसर च्योवासि सैवाइ।

चेला चिब्मैंए केमैं 10:41

ताँन् म्हिमैं ङाँर खी आम्रोंखा, दिलेया खी ङि ङाँर मत्‍त्रे, तलिबिस्याँ खी सिसि धबै सोगों तबै लिउँइँ ङिइ खीने बालुन् चब-थुँब लइ। चु ताँए ग्वाइ पिंबर परमेश्‍वरजी ओंसों ओंनोंन् ङिलाइ त्हाँल।

चेला चिब्मैंए केमैं 13:31

झाइले ल्हें त्हिंइ समन् ह्रोंसने बालु गालीलउँइँले यरूशलेमर खब्मैंने खी सोगों तसि त्होब्रें लइ। तोगो च म्हिमैं इस्राएलीमैंए उँइँर खीलाइ म्रोंइ बिसि ग्वाइ पिंब्मैं ग।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 22:15

तलेबिस्याँ क्हिइ म्रोंब नेरो थेबै ताँमैं ताँन् म्हिमैंए उँइँर खीए ग्वाइ तसि क्हिजी बिमिंल् त्हुब्मुँ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

चेला चिब्मैंए केमैं 4:33

झाइले च कुल्मिंबै चेला चिब्मैंइ तिफुँइ आङ्हिंन्ले प्रभु येशू सिबइले धबै सोगों तइमुँ बिसि ग्वाइ पिंमल, छतमा परमेश्‍वरजी चमैं ताँनए फिर थेबै आशिक पिंमल।

चेला चिब्मैंए केमैं 5:32

चु ताँन् ताँए साँक्षिमैं ङि मुँ, धै परमेश्‍वरजी बिब् ङिंब्मैंलाइ पिंबै पबित्र प्ल्ह या साँक्षि मुँ।”

१ पत्रुस 5:1

ङ बिश्‍वासी न्होंर्बै एल्डर पत्रुसउँइँले क्‍हेमैंए एल्डरमैंने यो छ्युँ लमुँ। ख्रीष्‍टजी खैले दुःख सैदिल बिबै साक्षि ङ मुँ। धै लिउँइँ खीए थेबै मान तमैंया ङ खीने बालुन् तब्मुँ।