लूका 24:36 - परमेश्‍वरए ताँ तमु क्युइर

³⁶ चमैंइ चु ताँमैं लरिमा येशू चमैंए म्‍हाँजोर राखसि “क्‍हेमैंने शान्‍ति तरिगे,” बिइ।

लूका 24:36 ပူးပေါင်းရင်းမြစ်များ

मत्ती 10:13

च धिंर्बै म्‍हिमैंए सैं छ्याँब मुँस्‍याँ क्‍हेमैंइ पिंबै आशिक चमैंइ योंरिगे, दिलेया चमैंए सैं छ्याँब आरेस्‍याँ क्‍हेमैंए छिं ङ्हाँब क्हेमैंनेन् एखरिगे।

मर्कूस 16:14

च लिउँइँ खीए च्युसे घ्रि चेलामैं चब् चरिमा खी म्रोंखइ। चमैंइ बिश्‍वास आलब नेरो सारो सैं म्रोंसि खीजी चमैंलाइ बेल्‍ले हौदिइ। तलेबिस्याँ खी धबै सोगों तखइमुँ बिब्‍मैंए ताँ चमैंइ आक्वेंमल।

लूका 10:5

“क्‍हेमैं खाब् धिंर होंमुँ, चर होंबै तोदोंन् ‘चु धिंर शान्‍ति तरिगे’ बिद्।

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

यूहन्‍ना 20:26

प्रेरो लिउँइँ खीए चेलामैं म्रा तोरसि धिं न्होंर्न टिरिल। थोमा या चमैंने बालुन् मुँल। च त्हेर्न येशू धिं न्होंर होंखसि चमैंए म्हाँजुर रासि “क्‍हेमैं छिं ङ्हाँरिगे,” बिइ।

चेला चिब्मैंए केमैं 1:3

येशूजी ल्हें दुःख नोबै लिउँइँ खीजी “ङ सोगों मुँ” बिसि खाबज्यै या थोल् आखाँबै ल्हें थेबै प्रमाणउँइँले चमैंए उँइँर उँइँमिंइ। प्लिच्यु त्हिंइ समा खी चमैं ङाँर म्रोंखब्रें लइ धै परमेश्‍वरए ग्याल्सए ताँ चमैंने बिमिंइ।

१ कोरिन्थी 15:5

च लिउँइँ येशू पत्रुस नेरो च्युसे ङ्हिं कुल्मिंबै चेला चिब्मैंने या त्‍होखइ।

१ कोरिन्थी 15:7

च लिउँइँ याकूबने त्‍होखइ, झाइले ताँन् कुल्मिंबै चेला चिबमैंने या त्‍होखइ।

२ थेसलोनिकी 3:16

तारे पिरु ङ्योए सैं क्‍होल् लमिंबै प्रभुजी खोंयों बिलै या क्‍हेमैंलाइ खैतबै त्हेर्न बिलै छिं ङ्हाँल् लमिंरिगे। क्‍हेमैं ताँनने प्रभु तरिगे।

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।