लूका 24:30 - परमेश्‍वरए ताँ तमु क्युइर

³⁰ चमैंने बालु चब् चबर क्हुँमा खीजी क्‍हें किंसि परमेश्‍वरलाइ धन्यबाद पिंइ, धै क्‍हें लुँसि चमैंलाइ पिंइ।

लूका 24:30 ပူးပေါင်းရင်းမြစ်များ

मत्ती 14:19

झाइले खीजी म्‍हिए हुल चउरर क्हुँबर ल्‍हैदिइ। धै च क्‍हें ङ्‌हबो नेरो ताँग ङ्हिं योर छेसि स्‍वर्गउँइँ ङ्‌ह्‍योसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ। चेलामैंइ म्‍हिए हुलमैं चुमिंइ।

मत्ती 15:36

येशूजी क्‍हें ङिबो नेरो ताँग योर छेसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ, झाइले चेलामैंइ च म्‍हिमैंलाइ चुमिंइ।

मत्ती 26:26

खेंमैं चब् चरिमा येशूजी क्‍हें किंसि परमेश्‍वरलाइ धन्यबाद पिंसि क्‍हें लुँइ, धै चेलामैंने पिंसि बिइ, “नाँ, चु क्‍हें चद्! चु ङए ज्यु ग।”

मर्कूस 14:22

झाइले खेंमैं भोज चरिमा येशूजी क्‍हें छेसि परमेश्‍वरलाइ धन्यबाद पिंसि क्हें लुँइ, धै चेलामैंलाइ चुमिंदै बिइ, “किंन्, चु ङए ज्यु ग।”

मर्कूस 6:41

झाइले येशूजी च क्‍हें ङ्‌हपो नेरो ताँग ङ्हिं किंसि मुउँइँ ङ्‌ह्‍योसि परमेश्‍वरलाइ धन्‍यबाद पिंइ। धै च क्‍हें लुँसि “म्हिमैं चुमिंन्,” बिसि चेलामैंने पिंइ। छलेन खीजी ताँग ङ्हिं या ताँनलाइ चुमिंइ।

मर्कूस 8:6

येशूजी म्हिए हुल सर क्हुँबर ल्हैदिइ। धै क्‍हें ङिपो किंसि परमेश्‍वरलाइ धन्‍यबाद पिंसि क्‍हें लुँइ। धै “म्‍हिमैं चुमिंन्” बिसि चेलामैंने पिंइ। येशूजी बिब् धोंले चमैंइ म्‍हिमैंलाइ चुमिंइ।

लूका 22:19

झाइले येशूजी योर क्हें किंइ धै परमेश्‍वरलाइ धन्‍यबाद पिंसि क्‍हें लुँसि चेलामैं चुमिंसि बिइ, “चु क्‍हें ङए ज्यु ग। क्‍हेमैंए ल्हागिर ङए ज्यु ख्रो पिंब् ग। छतसि ङ मैंबै ल्हागिरि छलेन् क्हें चब्रें लद्।”

लूका 24:29

छतसि “म्‍हुँइँस तबर होंइ। तिंयाँ ङिने बालुन् टिमिंन्!” बिसि चमैंइ खीने कर ल्हैदिइ। छबिमा येशू चमैंने बालुन् टिबर धिं न्होंर होंइ।

लूका 24:35

झाइले च चेलामैंइ घ्‍याँर तबै ताँ नेरो येशूजी क्‍हें लुँसि पिंमा खीलाइ ङो सेबै ताँ अरू चेलामैंने बिमिंइ।

लूका 9:16

झाइले येशूजी च क्‍हें ङ्‌हबो नेरो ताँग ङ्हिं छेसि मुउँइँ ङ्‍ह्‍योसि परमेश्‍वरलाइ धन्‍यबाद पिंसि क्‍हें लुँइ, धै “हुलमैं चुमिंन्” बिसि चेलामैंने पिंइ।

यूहन्‍ना 6:11

झाइले येशूजी च क्‍हें किंसि परमेश्‍वरलाइ धन्‍यबाद पिंइ, धै क्हुँबै म्हिमैं चुमिंइ। छलेन ताँगै या चुमिंइ। चमैंइ म्रेंन्ले चइ।

चेला चिब्मैंए केमैं 2:42

चमैं प्रभु येशूए फिर बिश्‍वास लसि कुल्मिंबै चेला चिब्मैंने लोदै, संगति लदै, बालुन् चब् चसि प्रभु भोज चदै, खोंयोंन् बिलै प्राथना लरिमल।

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

चेला चिब्मैंए केमैं 27:35

छबिसि पावलइ क्हें किंसि ताँनए उँइँर परमेश्‍वरलाइ धन्यबाद पिंइ, धै क्हें लुँसि चबर होंइ।