लूका 24:24 - परमेश्‍वरए ताँ तमु क्युइर

²⁴ चमैंए ताँ थेसि ङिए को-कोइ थुमैं छगोंर ङ्ह्‍योबर ह्‍यामा च्हमिरिमैंइ खै बिल छाबन् म्रोंइ। दिलेया येशू बिस्याँ आम्रों।”

लूका 24:24 ပူးပေါင်းရင်းမြစ်များ

मत्ती 2:7

च्हमा हेरोद म्रुँइ च स्यारउँइँले खबै ङ्‌ह्‍योब् लिब्मैं खाबज्यै आसेल्‍ले हुइसि मुसारा खोंयों म्रोंल बिसि चमैंउँइँले था सेइ।

लूका 24:12

दिलेया पत्रुस रेसि छगोंर न्हेह्‍याइ, धै क्वारले न्‍होंर ङ्ह्‍योमा ट्हि क्‍वें मत्‍त्रे म्रोंइ। छाब् म्रोंमा च प्लेटोयासि धिंर एह्‍याइ।

लूका 24:23

येशूए सिनु आम्रोंना। चमैं ङाँर स्‍वर्गदूत युसि येशू सोगोंन् मुँ बिइ रो। चमैं खसि ङिने बिइ।

लूका 24:25

च लिउँइँ येशूजी चमैंने बिइ, “ओ, ताँ आक्होबै आम्हादुमैं! क्हेमैंए सैं खैले छले आक्होब् तयाल? अगमबक्‍तामैंइ बिबै ताँमैं तिफुँइ आक्वें वा!