लूका 23:43 - परमेश्‍वरए ताँ तमु क्युइर

⁴³ येशूजी चने बिइ, “क्‍ह्रोसेंन ङ क्हिने बिमुँ, क्‍हि तिंयाँन् ङने स्‍वर्गर तब्‍मुँ।”

लूका 23:43 ပူးပေါင်းရင်းမြစ်များ

भजनमैं 32:5

लिउँइँ क्हिए उँइँर ङ पापि ग बिसि ङइ बिल, धै ङइ लबै आछ्याँबै केमैं ङइ आलो। “ङइ लबै आछ्याँबै केमैं याहवेहए उँइँर बिब्मुँ,” बिसि ङइ बिइ, धै ङए पापमैं क्हिजी क्षमा लमिंइ। तिस्याँदे मैंन्

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

लूका 19:10

तलेबिस्याँ म्हिए च्ह छलेन् घ्याँ आसेसि म्हप्ररिब्मैंलाइ म्हैबर नेरो जोगेमिंबर युब् ग।”

लूका 23:42

छबिसि चइ येशूने बिइ, “ओ येशू, क्‍हि म्रुँ तसि युमा ङलाज्यै मैंमिंन् ओ।”

यूहन्‍ना 14:3

ङ ह्‍यासि क्हेमैंए ल्हागिर क्ल्ह्‍यो तयार लल् खाँबै ‍लिउँइँ ङ धबै युब्मुँ, धै क्हेमैं ङ ङाँर बोयाब्मुँ। झाइले ङ टिबै क्ल्ह्‍योर क्हेमैं या टिल् योंब्मुँ।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

२ कोरिन्थी 5:8

ङ्योए सैंर बेल्‍ले भों खम्, धै ङ्यो चु ज्युउँइँले फ्रेसि ङ्यो प्रभुने बालुन् टिबै सैं खम्।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”