37 “क्हि यहूदीमैंए म्रुँ ग बिस्याँ ह्रोंसलाज्यै जोगेद्।”
“चुइ अरूमैं जोगेमिंइ, ह्रोंसलाइ बिस्याँ जोगेल् आखाँ। चु इस्राएलीमैंए म्रुँ ग बिस्याँ तोगो क्रूसउँइँले सर तयुल् खाँरिगे। छ लल् खाँस्याँ ङिज्यै या क्वेंब्मुँ।
चुइ परमेश्वरए फिर बिश्वास लम्, ‘ङ परमेश्वरए च्ह ग,’ बिसि चुइ बिमल। छतसि परमेश्वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”
झाइले “यहूदीमैंए म्रुँ” बिसि खीए फिर छ्याब् ल्हैदिबै ताँ क्रूसर प्ह्रिथेंल।
च क्रूसर च्योवाबै आछ्याँबै के लबै म्हि घ्रिइ येशूए बिल्लि लदै बिइ, “क्हि परमेश्वजी कुल्मिंबै म्रुँ ख्रीष्ट आङिं वा? ङिंबन् ग बिस्याँ क्हिलाज्यै जोगेदु, ङिलाज्यै या जोगेमिंन्।”