लूका 23:3 - परमेश्‍वरए ताँ तमु क्युइर

³ चमैंए ताँ थेसि पिलातसइ येशूने “क्‍हि यहूदीमैंए म्रुँ वा?” बिसि ङ्योएइ। येशूजी चने बिइ, “क्‍हिइन छ बिरिइमुँ।”

लूका 23:3 ပူးပေါင်းရင်းမြစ်များ

मत्ती 27:11

येशू क्रथेए उँइँर रामा क्रथेइ येशूने “क्‍हि यहूदीमैंए म्रुँ वा?” बिसि ङ्योएइ। येशूजी “क्‍हिइन बिइमुँ दि,” बिइ।

मर्कूस 15:18

झाइले चमैंइ “यहूदीमैंए म्रुँ जय!” बिदै फ्योब् धों लसि बिल्‍लि लबर होंइ।

मर्कूस 15:2

पिलातसइ येशूने “क्‍हि यहूदीमैंए म्रुँ वा?” बिसि ङ्योएमा खीजी चने ज्वाइ पिंइ, “क्‍हिइन छ बिरिइमुँ दि।”

मर्कूस 15:32

च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।

लूका 22:70

चमैं ताँनइ बिइ, “छ बिस्‍याँ क्‍हि परमेश्‍वरए च्‍हन् वा?” येशूजी बिइ, “ङ चन् ग बिसि क्‍हेमैंइन बिइमुँ।”

लूका 23:38

“चु यहूदीमैंए म्रुँ ग” बिसि छ्याब् ल्हैदिबै ताँ प्ह्रिसि खीए क्होवाइ क्रूसर टाँउँदिथेंल।

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 18:29

छतसि पिलातस बिबै क्रथे चमैं ङाँर बैरु त्होंसि “क्‍हेमैंइ चु म्हिए बिरोधर तो छ्याब् ल्हैदिल?” बिसि ङ्योएमा

यूहन्‍ना 19:3

झाइले चमैं खी ङाँर खसि “येहूदिमैंए म्रुँ जय तरिगे!” बिदै खीलाइ प्लाँइ।

१ तिमोथी 6:13

ताँन् सैमैंए छ्ह पिंबै परमेश्‍वर नेरो पन्‍तियस पिलातसए ओंसों छ्याँबै ग्वाइ पिंबै प्रभु येशू ख्रीष्‍टए उँइँर ङ क्हिने चु ताँ बिमुँ: