लूका 22:70 - परमेश्‍वरए ताँ तमु क्युइर

⁷⁰ चमैं ताँनइ बिइ, “छ बिस्‍याँ क्‍हि परमेश्‍वरए च्‍हन् वा?” येशूजी बिइ, “ङ चन् ग बिसि क्‍हेमैंइन बिइमुँ।”

लूका 22:70 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 2:7

“याहवेहजी बिद् बिबै ताँ ङइ बिब्मुँ: खीजी ङने बिइ, ‘क्हि ङए च्ह ग; तिंयाँ ङ क्हिए आबा तइमुँ।

मत्ती 26:25

खीलाइ क्हाल् पिंबै यूहदाइ “ओ गुरु, च म्हि ङ वा?” बिसि ङ्योएमा खीजी चने बिइ, “क्‍हिइ ह्रोंसइन बिइमुँ।”

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मत्ती 27:11

येशू क्रथेए उँइँर रामा क्रथेइ येशूने “क्‍हि यहूदीमैंए म्रुँ वा?” बिसि ङ्योएइ। येशूजी “क्‍हिइन बिइमुँ दि,” बिइ।

मत्ती 27:43

चुइ परमेश्‍वरए फिर बिश्‍वास लम्, ‘ङ परमेश्‍वरए च्‍ह ग,’ बिसि चुइ बिमल। छतसि परमेश्‍वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 3:17

झाइले “चु ङइ खोबै च्‍ह ग, चु म्रोंसि ङ बेल्‍ले सैं तोंइमुँ बिबै कै घ्रि स्वर्गउँइँले युइ।”

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मर्कूस 14:62

येशूजी “अँ ङन् ग बिइ, क्‍हेमैंइ तिगें म्हिए च्ह परमेश्‍वरए क्‍योलो हार टिरिब् नेरो न्हाँम्स्योए न्होंउँइँले युरिब् म्रोंब्‍मुँ।”

मर्कूस 15:2

पिलातसइ येशूने “क्‍हि यहूदीमैंए म्रुँ वा?” बिसि ङ्योएमा खीजी चने ज्वाइ पिंइ, “क्‍हिइन छ बिरिइमुँ दि।”

लूका 22:71

येशूए ताँ थेसि चमैंइ खें-खेंमैंन् बिइ, “ङ्योइ चए सुँउँइँलेन् थेइ, छतसि ङ्योलाइ अरू ग्वाइ तले चैदिइ?”

लूका 23:3

चमैंए ताँ थेसि पिलातसइ येशूने “क्‍हि यहूदीमैंए म्रुँ वा?” बिसि ङ्योएइ। येशूजी चने बिइ, “क्‍हिइन छ बिरिइमुँ।”

लूका 4:41

ल्हें म्हिउँइँले मोंमैं थेबै कैले “क्‍हि परमेश्‍वरए च्‍ह ग,” बिदै त्होंयाइ। दिलेया खीजी हौदिसि चमैं पोंल् आपिं। तलेबिस्याँ “येशू परमेश्‍वरजी कुल्‍मिंबै म्रुँ ख्रीष्‍ट ग!” बिसि च मोंमैंइ सेमल।

यूहन्‍ना 1:34

ङइ म्रोंइमुँ धै ग्वाइ पिंइँमुँ, परमेश्‍वरए च्‍ह खीन् ग।”

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 10:30

आबा नेरो ङ घ्रिन् ग।”

यूहन्‍ना 10:36

दिलेया परमेश्‍वर आबाजी त्हाँसि ङ ह्‍युलर कुल्मिंइ। छतसि ‘परमेश्‍वरए च्ह ङन् ग’ बिमा ङइ खैले परमेश्‍वरए मिं वाइ?

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

यूहन्‍ना 19:7

यहूदी चिबनाँब्मैंइ चने बिइ, “ङिए ठिमर बिब् धोंले चु सिलन् त्हुम्। तलेबिस्याँ चुइ ह्रोंसलाइन परमेश्‍वरए च्ह ग बिइमुँ।”