लूका 22:62 - परमेश्‍वरए ताँ तमु क्युइर

⁶² झाइले पत्रुस बैरु त्‍होंह्‍यासि बेल्‍ले क्रोइ।

लूका 22:62 ပူးပေါင်းရင်းမြစ်များ

भजनमैं 38:18

ङइ छेरन् ङ्हाँबै केमैं लइमुँ बिसि ङइ क्हिने बिइमुँ; ङइ लबै आछ्याँबै केमैंइ लमन् ङइ शोक लइमुँ।

मत्ती 26:75

च त्हेर्न येशूजी ओंसों बिबै ताँ चिसि पत्रुस बैरु ह्‍यासि बेल्‍ले क्रोइ। तलेबिस्याँ येशूजी ओंसोंन् पत्रुसने “नग भाले ओरब् भन्दा ओंसोंन् क्‍हिइ सोंखे समा ङ ङो आसे बिब्‍मुँ,” बिल।

मत्ती 5:4

शोक लब्‍मैंइ आशिक योंब्मुँ, तलेबिस्याँ परमेश्‍वरजी चमैंए सैं क्‍होल् लमिंब्‍मुँ।

मर्कूस 14:72

छ बिबै तोदोंन् ङ्हिखेबै लार नग भाले ओरइ। च लिउँइँ मत्‍त्रे पत्रुसइ ओंसोंन् येशूजी “तिंयाँ म्‍हुँइँसर ङ्हिखेबै लार नग भाले ओरब् ओंसोंन् सोंखे समा क्हिइ ङलाइ ङो आसे बिब्‍मुँ,” बिबै ताँ मैंसि पत्रुस बेल्‍ले क्रोइ।

लूका 22:61

छतमा प्रभु येशूजी लिग्‍याँ तोसि पत्रुसलाइ ङ्ह्‍योमा “क्हिइ सोंखे समा ङलाइ ङो आसे आबिन् समा नग भाले ओररिब् आरे,” बिसि येशूजी बिबै ताँ पत्रुसइ मैंइ।

लूका 22:63

येशू रुँबै म्‍हिमैंइ खीए बिल्‍लि लसि धोंइ।

१ कोरिन्थी 10:12

छतसि क्‍हेमैं न्‍होंरि ङ बिश्‍वासर भोंब् मुँ बिसि प्‍हैंबै म्‍हिइ ह्रोंस पापर आच्होरिगे बिसि झन् न्ह क्रों मि क्रोंले टिल् त्‍हुम्।