लूका 22:48 - परमेश्‍वरए ताँ तमु क्युइर

⁴⁸ येशूजी चने बिइ, “ओ यहूदा, ‘क्हिइ’ म्हिए च्हलाइ म्वें लब् धों लसि खीए फिर धोका पिंदा ङ्हाँइमुँ वा?”

लूका 22:48 ပူးပေါင်းရင်းမြစ်များ

भजनमैं 55:21

चइ सुँइ लिरिक्‍क लमल, दिलेया चए सैं आछ्याँब मुँल; चइ ङ्याँ ह्‍याल्‍ले आथेलै थेथे ङ्हाँन्ले ताँ पोंमल, छले स्युट्‍टले पोंसि सेलाँइ धोंले चइ न्होह्रों लमल।

हितोपदेश 27:6

क्ह्रिबै थुइ छ्याँब तरिगे बिसिन् हौदिस्याँ चए ताँ क्‍वेंल् खाँम्, दिलेया शत्तुरइ म्हाँया लब् धों तलेया चए सैंइ आछ्याँबन् मैंम्।

लूका 22:47

येशूजी छ बिरिमा म्‍हिए हुल चर फेखइ। च्युसे ङ्हिं चेलामैं न्‍होंर्बै यहूदा च म्‍हिमैंए ओंसों ओंसों खसि येशूलाइ म्वें लबर खीए ङाँर खइ।

लूका 22:49

येशूने मुँबै चेलामैंइ तबि छेबै ताँमैं क्‍होसि “ओ प्रभु, ङिइ चमैंलाइ सेलाँइ प्रिंवाले वा?” बिसि ङ्योएइ।