लूका 22:42 - परमेश्‍वरए ताँ तमु क्युइर

⁴² “ओ आबा, क्‍हिए इच्छा मुँस्‍याँ ङ ङाँइँले चु दुःख स्‍योमिंन्। दिलेया ङए इच्छा आङिं, क्‍हिए इच्छा पूरा तरिगे।”

लूका 22:42 ပူးပေါင်းရင်းမြစ်များ

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

मत्ती 11:26

ओ आबा, क्हिजी छान् लब छ्याँब ङ्हाँइ।”

मत्ती 20:22

दिलेया येशूजी चमैंने बिइ, “क्‍हेमैंइ तो ह्रिरिइमुँ च सै क्‍हेमैंइ था आसे। तारे ङइ नोबि छेबै दुःख क्‍हेमैंइ नोल् खाँम्‍मा?” बिमा चमैंइ “खाँम्,” बिइ।

मत्ती 26:39

झाइले येशू दे क्‍याइ ह्‍यासि सर पद्खु तसि “ओ ङए आबा, तल् खाँम् बिस्‍याँ चु दुःख ङ ङाँइँले स्‍योमिंन्। दिलेया ङइ मैंब् धोंले आङिं, क्‍हिए सैंर मैंब् धोंले तरिगे,” बिसि प्राथना लइ।

मत्ती 26:42

धबै ङ्हिखेबै लारै या येशू ह्‍यासि छले प्राथना लइ, “ओ ङए आबा, चु दुःख ङइ आनोसि आत बिस्याँ क्‍हिए सैंर मैंब् धोंन् तरिगे।”

मत्ती 26:44

छ तब् म्रोंसि चमैं धबै चर्न वाथेंसि सोंखेबै लारै या ह्‍यासि ओंसों लब् धोंलेन् प्राथना लइ।

मत्ती 6:10

क्हिए ग्याल्स युरिगे, स्‍वर्गर धोंले क्‍हिए सैंर मैंबै के पृथ्‍बीरै पूरा तरिगे।

मर्कूस 14:36

“ओ आबा, क्‍हिजी लल् आखाँबै सै तोइ आरे। छतसि चु दुःख ङ ङाँइँले स्‍योमिंनु। दिलेया ङए सैंर मैंब् धोंले आङिं, क्‍हिए सैंर मैंब् धोंले तरिगे।”

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

यूहन्‍ना 18:11

येशूजी पत्रुसने बिइ, “क्‍हिए सेलाँ स्युर झोंन्। आबाजी ङलाइ पिंबै दुःखए प्हेला ङइ आथुँले वा?”

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

यूहन्‍ना 5:30

“ङ ह्रोंसइन तोइ लल् आखाँ। परमेश्‍वर आबाजी खै बिमुँ छलेन ङइ निसाफ लब्मुँ। छतमा ङइ लबै निसाफ ठिक ठर्दिम्, तलेबिस्याँ ङ ह्रोंसइ मैंब् धोंले आल, दिलेया ङ कुल्‍मिंबै परमेश्‍वर आबाजी मैंब् धोंले लमुँ।

यूहन्‍ना 6:38

ह्रोंसए सैंर्बै ताँ पूरा लबर ङ स्वर्गउँइँले युब आङिं, ङलाइ कुल्‍मिंबै आबाए सैंर मैंबै केमैं पूरा लबर ङ युब् ग।

चेला चिब्मैंए केमैं 21:14

ङिइ बिब खिइ आङिंमा “प्रभुए सैंर मैंब् धों तरिगे,” बिसि ङि तोइ आबिल्‍ले टिइ।