लूका 22:29 - परमेश्‍वरए ताँ तमु क्युइर

²⁹ ङए आबाजी ङलाइ ग्याल्स घ्रि पिंइ। ङज्‍यै या क्‍हेमैंलाइ पिंमुँ।

लूका 22:29 ပူးပေါင်းရင်းမြစ်များ

मत्ती 24:47

क्ह्रोंसेंन ङ क्हेमैंने बिमुँ, क्ल्हेइ ह्रोंसए ताँन् सै न्होरए जिम्‍मा पिंबर चलाइ त्हाँब्‍मुँ।

मत्ती 25:21

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हि च्युगुदे सैरै या भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

मत्ती 5:10

परमेश्‍वरए मिंर के लमा दुःख योंब्‍मैंइ आशिक योंब्मुँ, तलेबिस्याँ स्‍वर्गर्बै ग्याल्स चमैंलन् ग।

मत्ती 5:3

“परमेश्‍वरजी शक्‍ति आपिंइ बिस्‍याँ ङइ तोइ लल् आखाँ बिबै म्‍हिमैंइ आशिक योंब्मुँ, तलेबिस्याँ स्‍वर्गर्बै ग्याल्स चमैंल् ग।

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

लूका 19:17

“च म्रोंसि म्रुँ बेल्‍ले सैं तोंदै बिइ, ‘स्‍याबास! क्‍हि स्‍वाबै के लबै म्हि मुँन! च्‍युगुदे सैर क्‍हि भर लल् खाँब तइ। छतसि तारे सहर च्‍युए फिर क्हि क्ल्हे तब्मुँ।’

१ कोरिन्थी 9:25

खेलर भाग किंबै म्हिमैं तोन्दोंरि सैर ह्रोंसए ज्यु तार झोंम्। चमैं नास तयाबै पुरस्‍कार योंबै ल्हागिर छ लम्, दिलेया ङ्यो खोंयोंइ नास आतबै पुरस्कार योंबै ल्हागिर छ लम्।

२ कोरिन्थी 1:7

छतसि क्‍हेमैं म्रोंसि ङि भों खइमुँ, तलेबिस्याँ ङिइ नोब् धों तबै दुःख क्‍हेमैंज्‍यै नोबइले ङिइ सैं क्होबै भों योंब् धोंले क्‍हेमैंज्‍यै या सैं क्होबै भों योंब्मुँ बिसि ङिइ सेइमुँ।

२ तिमोथी 2:12

ङ्योइ दुःख सैदिसि टिइबिस्‍याँ खीनेन् ग्याल्स लल् योंब्‍मुँ। ङ्योइ खीलाइ ‘ङो आसे’ बिइबिस्‍याँ खिज्‍यै या ङ्योलाइ ‘ङो आसे’ बिब्‍मुँ।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।

दर्शन 21:14

च सहरर्बै बानुए तेंजरे च्युसे ङ्हिं थे-थेबै युमाँ मुँल, धै चए फिर क्‍यु च्हजए च्युसे ङ्हिं चेला चिब्मैंए मिं प्‍ह्रिल।