लूका 22:26 - परमेश्‍वरए ताँ तमु क्युइर

²⁶ दिलेया क्‍हेमैं न्‍होंरि छ तल् आत। क्‍हेमैं न्‍होंरि ताँन् भन्दा थेबै म्‍हि ताँन् भन्दा च्‍योंने तल् त्‍हुम्। धै चिबै के लबै म्हिइ अरूमैंए सेवा लल् त्‍हुम्।

लूका 22:26 ပူးပေါင်းရင်းမြစ်များ

मत्ती 20:26

दिलेया क्‍हेमैं न्‍होंर बिस्‍याँ छ तरिब् आरे। क्‍हेमैंए न्होंरि खाब् थेब तदा ङ्हाँमुँ, चइ च्योंब् तसि क्हेमैंए सेवा लल् त्‍हुम्।

मर्कूस 10:43

दिलेया क्‍हेमैंए न्होंरि बिस्याँ छ लब् आत। क्‍हेमैंए न्होंरि थेब् तदा ङ्हाँब्मैंइ, अरूमैं ल्होल् त्‍हुम्।

मर्कूस 9:35

झाइले येशू क्हुँसि च्युसे ङ्हिं चेलामैं खागु लसि चमैंने बिइ, “थेब तदा ङ्हाँबै म्‍हि, ताँन् भन्दा च्‍योंब् तसि ताँनए सेवा लल् त्‍हुम्।”

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

१ पत्रुस 5:3

क्‍हेमैंए जिम्‍मार मुँब्‍मैंए फिर कल्हे प्हैंसि हौदिसि ह्रोंसए न्होंर थेंसि आङिं, बगालमैंए ल्हागिर क्हेमैंन् नमुना तसि छ्याँबै के लसि उँइँन्।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”