लूका 21:37 - परमेश्‍वरए ताँ तमु क्युइर

³⁷ येशूजी त्हिंइ ह्रोंसे मन्दिरर परमेश्‍वरए ताँमैं लोमिंमल। धै म्‍हुँइँसर जैतून बिबै कोंर ह्‍यासि बास टिब्रें लमल।

लूका 21:37 ပူးပေါင်းရင်းမြစ်များ

मत्ती 21:1

झाइले खेंमैं यरूशलेमए चेंदो जैतून कोंए बेथफागे बिबै नाँसर फेखमा येशूजी चेलामैं ङ्हिंने छ बिसि कुल्‍मिंइ,

मत्ती 21:17

च्हौ बिसि चमैंलाइ वाथेंसि खी सहरउँइँले त्‍होंसि बेथानियार ह्‍यासि चर्न बास टिइ।

मत्ती 26:30

च्हौ बिसि खेंमैं भजन घ्रि प्रिंसि जैतून कोंउँइँ ह्‍याइ।

मत्ती 26:55

च त्हेर्न येशूजी खी क्‍हाबर खबै म्हिए हुलने बिइ, “ह्‍यो क्हाबर खब् धोंले सेलाँ नेरो प्‍हरे छेसि ङ ङाँर तले खल? ङइ त्हिंइ ह्रोंसे मन्दिरर लोमिंममा क्‍हेमैंइ ङलाइ आक्‍हा।

मर्कूस 11:12

चए प्‍हँन्हाँग्धों खेंमैं बेथानिया बिबै नाँसउँइँले खरिमा येशूलाइ फो ख्रेंइ।

मर्कूस 11:19

झाइले म्‍हुँइँस तबै लिउँइँ येशू सहर बैरु त्‍होंह्‍याइ।

मर्कूस 14:49

ङइ ओंसों ओंनोंन् त्हिंइ ह्रोंसे मन्दिरर क्‍हेमैंलाइ लोमिंमा क्‍हेमैंइ ङलाइ आक्‍हा। दिलेया परमेश्‍वरए छ्वेर प्‍ह्रिबै ताँ पूरा तरिगे बिसि चु तखब् ग।”

लूका 19:29

बेथफागे नेरो बेथानिया बिबै नाँसए चेंदो जैतून बिबै कोंर फेखमा येशूजी ह्रोंसए चेलामैं ङ्हिंने छ बिसि कुलइ,

लूका 19:37

छले येशू यरूशलेमए चेंदो मुँबै जैतून बिबै कोंउँइँले क्युरु फेयुमा खीजी लबै औदिबै थे-थेबै केमैं मैंदै खीए ताँन् चेलामैं सैं तोंसि परमेश्‍वरए मिं क्वेदै थेबै कैले ओरबर होंइ।

लूका 19:47

छले येशूजी त्हिंइ ह्रोंसे मन्दिरर म्हिमैं लोमिंमल। छतसि ख्रो पिंबै खेगि चिब्मैं, शास्‍त्रिमैं नेरो चिबनाँब्मैं क्ह्रिसि येशू सैल् म्‍हैमल।

लूका 22:39

च क्‍ल्‍ह्‍योउँइँले त्‍होंसि सोदा ह्‍याब् धोंले येशू जैतून कोंउँइँ ह्‍याइ। चेलामैं या खीए लिलिन् ह्‍याइ।

यूहन्‍ना 12:1

दुःखने फ्रेबै चाडए टुरो ओंसों येशू बेथानिया बिबै नाँसर खइ। चर येशूजी सिबउँइँले सोगों लमिंबै लाजरस बिबै म्हि टिमल।

यूहन्‍ना 18:2

येशू ह्रोंसए चेलामैंने बालु चर खागु तब्रें लमल, छतसि खी क्हाल् पिंबै येहूदाइ च क्ल्ह्‍यो सेमल।

चेला चिब्मैंए केमैं 1:12

च लिउँइँ चमैं जैतून बिबै कोंउँइँले यरूशलेमर एखइ। यरूशलेमउँइँले चु कों किलोमिटर घ्रि दे ह्रेंगो मुँल।