लूका 21:34 - परमेश्‍वरए ताँ तमु क्युइर

³⁴ “छतसि क्हेमैं खैले टिल् त्‍हुम् बिसि सैंर मैंसि टिद्! ल्हें चब-थुँबाए लिलि आप्रद्, प्हा ल्‍हें थुँसि आम्हेरद् धै छ्ह खैले थोब् ङ्‍हे बिसि न्हुँ आलद्। छले ह्‍युलर्बै सैमैंर सैं ह्‍यारिमा थाइ आसेल्‍ले तिखेर्न च त्हिंइर क्हेमैं ङोर स्‍याब् धोंले स्याब्मुँ।

लूका 21:34 ပူးပေါင်းရင်းမြစ်များ

उत्पत्ति 19:32

छतसि ङ्योइ तारे ङ्योए आबा प्हाइ म्हेरन् लसि चने रोले, धै आबाउँइँले ङ्योइ प्हसेमैं योंले।”

उत्पत्ति 19:35

झाइले चमैंइ च म्हुँइँसरै या खेंमैंए आबालाइ प्हा थुँल् पिंसि च्योंब्स्यो आबाने रोनेइ। च्योंब्स्यो खसि रोसि रेसि ह्‍याबै या लोतइ आसे।

उत्पत्ति 27:14

आमाइ छबिमा च ह्‍यासि र-म्होदोंमैं सै पखसि आमाने पिंइ। झाइले याकूबए आबा इसाहकइ खोबै ट्हा चइ ह्‍योमिंइ।

भजनमैं 35:8

थाइ आसेल्‍ले चमैं नास तयारिगे! चमैंइ लोइ चुबै ङोर चमैंन् फेरिगे; चमैंइ ताबै होंर चमैंन् पयासि नास तयारिगे!

हितोपदेश 21:4

क्ह्रुबै मि, थेब् प्हैबै खों, नेरो दुष्‍ट म्हिमैंइ लबै केमैं ताँन् पाप ग।

हितोपदेश 23:20

प्हाकोमैं नेरो से ल्हे चब्मैंने प्रब टिब आलद्,

मत्ती 13:22

पुजुर तेबै प्लु धों तबै म्हि छाब् ग: चइ परमेश्‍वरए ताँ थेलेया चु ह्‍युलर्बै न्हुँ नेरो मुइए लोबइ लमा चइ थेबै ताँर च भोंसि तल् आखाँ। छतसि तोइ रोमैं रोल् आखाँ।

मर्कूस 13:9

“क्‍हेमैं ह्रोंसए ल्हागिरि न्ह क्रों मिक्रोंले टिद्। तलेबिस्याँ म्‍हिमैंइ क्‍हेमैं क्‍हासि म्हि च्होंए उँइँर बोब्‍मुँ, झाइले च्हों धिंजरे क्‍हेमैं धोंब्‍मुँ। ङए फिर बिश्‍वास लबइले क्हेंमैंइ ङए बारेर ग्वाइ पिंबर क्रथेमैं नेरो म्रुँमैंए उँइँर राल् त्हुब्मुँ।

मर्कूस 4:19

दिलेया चमैंइ चु ह्‍युलर्बै सैमैंर न्हुँ लसि, सैन्होरए (सम्‍पत्तिए) लोब लसि, ह्‍युलर्बै सैमैंर सैं ह्‍यासि चमैंए सैंर परमेश्‍वरए ताँमैं फारल् आपिं।

लूका 10:41

दिलेया प्रभु येशूजी चने बिइ, “ओ, मार्था क्‍हिइ ल्‍हें ताँर न्हुँ लम्।

लूका 12:40

छलेन क्‍हेमैं या न्ह क्रों मि क्रोंले टिद्, तलेबिस्याँ क्‍हेमैंए सैंरै आमैंबै त्‍हेर म्हिए च्ह एयुब्‍मुँ।”

लूका 17:3

छतसि ह्रोंसए बारेर न्ह क्रों मि क्रोंले टिद्। “क्‍हिए अलिइ क्हिए फिर आछ्याँबै के लइबिस्‍याँ चलाइ छ्याँबै सुँइ लोदा सैंदा लद्, झाइले ‘ङइ पाप लइ ङलाइ माफ पिंन्,’ बिसि चइ बिस्‍याँ माफ पिंन्।

लूका 21:35

तलेबिस्याँ छलेन थाइ आसेल्‍ले पृथ्‍बीर्बै ताँन् म्हिमैंए फिर च त्हिंइ खब्मुँ।

लूका 21:8

येशूजी बिइ, “न्ह क्रों मि क्रोंले टिद्, क्हेमैंलाइ खाबज्यै लुल् आखाँरिगे। ल्‍हें म्हिमैं ङए मिं किंसि खब्मुँ, ‘ङ परमेश्वरजी कुलबै म्रुँ ख्रीष्‍ट ग’ बिब्‍मुँ, झाइले अरू म्हिमैंइ ‘ख्रीष्‍ट युबै त्‍हे चेंदो तखइमुँ’ बिब्‍मुँ, दिलेया चमैंए लिलि आल्‍हैदिद्, चमैंइ बिब आङिंन्।

लूका 8:14

छलेन पुजु मुँबै क्‍ल्‍ह्‍योर तेबै प्‍लु चुन् ग: खाबइ परमेश्‍वरए ताँ थेमुँ। दिलेया लिउँइँ चु छ्ह खैले थोब् ङ्‍हे बिसि न्‍हुँ लमुँ धै सम्‍पति खैले योंब् ङ्‍हे बिसि ह्‍युलर्बै सैमैंर सैं ह्‍यासि चमैंए बिश्‍वास म्‍हयाम्। छतमा चमैं भोंसि आत।

१ कोरिन्थी 5:11

ङइ बिल् म्हैबै ताँ तो जा बिस्‍याँ, “ङ प्रभु येशूए फिर बिश्‍वास लबै म्हि ग” बिमुँ दिलेया चइ आछ्याँबै केमैं, व्यभिचार, लोबि, कु पूजा लब, गाल् केब, प्हा को तब, ह्‍योब, छाबै के लइबिस्‍याँ चने बालु प्रब्-टिब आलद्।

१ कोरिन्थी 6:10

ह्‍योमैं, लोबिमैं, प्हा ल्हें थुँसि म्हेरब्‍मैं, ह्रिस लब्‍मैं, आगुलाइ लुडिब्मैं, खाबज्‍यै या परमेश्‍वरउँइँले योंल् त्‍हुबै आशिक योंल् आखाँ।

गलाती 5:20

कु पूजा लब, मन्‍त्र-तन्‍त्र लब, आगुए न्होह्रों लब, प्होंगि कैगि लब, आगुए फिर ह्रिस लब, आगुल छ्याँब तरिगे आङ्हाँब, आक्ह्रिल् लब, आक्ह्रिसि टोलि-टोलि तब,

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।

हिब्रू 12:15

परमेश्‍वरए दयाम्हाँया आयोंब खाबै आतरिगे बिसि न्ह क्रों मि क्रों तद्। आक्ह्रिबै लमा क्हेमैंए न्होंरि फ्रेब् प्ह्राब् आतरिगे। आस्याँ ल्हें म्हिमैं पापर च्होयाब्मुँ।

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

दर्शन 3:3

छतसि क्‍हेमैंइ तो लोइ, तो थेइ, च ताँ मैंन्। च ताँइ बिब् धोंले के लसि पाप लबउँइँले सैं एद्। क्‍हि न्ह क्रों मि क्रों आतइबिस्याँ ह्‍यो खब् धोंले क्‍हेमैंइ था आसेल्‍ले ङ युब्‍मुँ।