लूका 20:6 - परमेश्‍वरए ताँ तमु क्युइर

⁶ ‘म्हिउँइँले’ बिले बिस्‍याँ चुर्बै म्‍हिमैं ताँनइ ङ्यो युँमाइ प्रिंसि सैवाब्‍मुँ, तलेबिस्याँ यूहन्‍ना अगमबक्‍ता ग बिसि चमैंइ क्वेंम्।”

लूका 20:6 ပူးပေါင်းရင်းမြစ်များ

मत्ती 11:9

बित्ति, क्‍हेमैं क्‍ह्रोंसेंन् तो ङ्‌ह्‍योबर ह्‍याल? अगमबक्‍ता ङ्ह्‍योबर ह्‍याल् वा? ओं, ङ क्ह्रोंसेंन क्हेमैंने बिमुँ, अगमबक्‍ता भन्दा थेबै म्हि घ्रि क्हेमैंइ म्रोंइमुँ,

मत्ती 14:5

छतसि हेरोदइ यूहन्‍ना सैबै सैं ललेया चर्बै यहूदी म्हिमैं म्रोंसि ङ्हिंमल। तलेबिस्याँ “यूहन्‍ना अगमबक्‍ता ग,” बिसि चमैंइ म्हाँदिमल।

मत्ती 21:26

दिलेया ‘म्हिमैंउँइँले’ बिले बिस्‍याँ म्हिमैंइ तोइ लम् उ बिसि ङ्हिंल् त्हुइमुँ। तलेबिस्याँ यूहन्‍ना अगमबक्‍ता ग बिसि ताँन् म्हिमैंइ म्हाँदिम्।”

मत्ती 21:46

छतसि चमैंइ येशूलाइ क्‍हाल् म्‍हैइ, दिलेया चमैं म्‍हिए हुल म्रोंसि ङ्हिंइ। तलेबिस्याँ म्हिमैंइ “येशू अगमबक्‍ता ग,” बिसि मैंमल।

मत्ती 26:5

दिलेया चमैंइ बिइ, “चाडए त्हेर क्‍हाब आत। ङ्योइ छ लस्‍याँ म्‍हिमैं खैला-बैला तब्मुँ।”

मर्कूस 12:12

खीजी बिबै अहान् खेंमैंए बिरोधर बिब् ग, बिसि चमैंइ क्होइ। छतसि यहूदी चिबनाँब्मैंइ येशू क्‍हाबै सैं लइ। दिलेया म्हिए हुल म्रोंसि चमैं ङ्हिंबइले येशूलाइ वाथेंसि ह्रोंसए घ्‍याँ क्‍हाइ।

लूका 1:76

ओ ङए च्ह, क्‍हि ताँन् भन्दा थेबै अगमबक्‍ता तब्‍मुँ, तलेबिस्याँ परमेश्‍वरजी कुल्‍मिंबै म्रुँए ओंसों ह्‍यासि खीए ल्हागिर क्‍हिइ घ्‍याँ छ्याब्मुँ।

लूका 20:5

चु ताँ थेसि चमैं खें-खेंमैंए न्होंरि छलफल लबर होंइ, “ङ्योइ खै बिब? ‘परमेश्‍वरउँइँले’ बिइ बिस्‍याँ क्‍हेमैंइ ‘तले यूहन्‍नाए ताँ आक्‍वेंल?’ बिसि चइ बिब्‍मुँ।

लूका 20:7

छतसि चमैंइ येशूने बिइ, “तुसि, खनिउँइँले योंइ? ङिइ आसे।”

लूका 7:30

दिलेया फरिसीमैं नेरो परमेश्‍वरए छ्वे लोमिंब्मैंइ बिस्याँ परमेश्‍वरजी ह्रोंस ङाँर खबै ल्हागिर बनेबै घ्याँ केर आफेब् ङ्हाँसि यूहन्‍नाउँइँले क्युर प्लुँसि बप्‍तिस्मा आकिंल।

यूहन्‍ना 10:41

ल्‍हें म्हिमैं खी ङाँर खसि खें-खेंमैं न्होंर्न बिइ, “यूहन्‍नाइ औदिबै चिनुमैं तोइ आल, दिलेया यूहन्‍नाइ चु म्हिए बारेर बिबै ताँमैं क्ह्रोंसेंन मुँन।”

चेला चिब्मैंए केमैं 5:26

चु ताँ थेसि कप्‍तान नेरो चए सिपाइमैं ह्‍यासि चमैंलाइ क्हासि खैच्हिजी आलल्‍ले छेनाले पखइ, तलेबिस्याँ म्हिमैंइ खेंमैं युँमाइ प्रिंम् उ ङ्हाँसि चमैं ङ्हिंयाँइ।