लूका 20:5 - परमेश्‍वरए ताँ तमु क्युइर

⁵ चु ताँ थेसि चमैं खें-खेंमैंए न्होंरि छलफल लबर होंइ, “ङ्योइ खै बिब? ‘परमेश्‍वरउँइँले’ बिइ बिस्‍याँ क्‍हेमैंइ ‘तले यूहन्‍नाए ताँ आक्‍वेंल?’ बिसि चइ बिब्‍मुँ।

लूका 20:5 ပူးပေါင်းရင်းမြစ်များ

मत्ती 16:7

दिलेया चेलामैंइ येशूए ताँ आक्‍होसि “ङ्योइ क्‍हें पखब म्‍लेयासि प्रभुजी छ बिलै,” बिसि ह्रों-ह्रोंसन् ताँ लबर होंइ।

मत्ती 21:25

लु बित्ति! यूहन्‍नाइ बप्‍तिस्‍मा पिंबै हग खनिउँइँले योंइ? परमेश्‍वरउँइँले योंइ उ म्‍हिमैंउँइँले योंइ?” छबिमा चमैं ह्रों-ह्रोंसन्, “स्वर्गउँइँले बिले बिस्याँ ‘छ बिस्‍याँ यूहन्‍नाइ बिबै ताँ क्‍हेमैंइ तले आक्वेंल?’ बिसि चइ बिब्मुँ बिदै छलफल लबर होंइ।

लूका 20:4

यूहन्‍नाइ म्हिमैं क्‍युर प्ल्‍हुँसि बप्‍तिस्मा पिंबै हग परमेश्‍वरउँइँले योंइ उ म्‍हिमैंउँइँले योंइ?”

लूका 20:6

‘म्हिउँइँले’ बिले बिस्‍याँ चुर्बै म्‍हिमैं ताँनइ ङ्यो युँमाइ प्रिंसि सैवाब्‍मुँ, तलेबिस्याँ यूहन्‍ना अगमबक्‍ता ग बिसि चमैंइ क्वेंम्।”

यूहन्‍ना 1:30

खीए बारेर ङइ ओंसोंन् छले बिल, ‘म्हि घ्रि ङए लिलि युब्‍मुँ, दिलेया ङ फिब् भन्दा ओंसोंन् खी मुँल। छतसि खी ङ भन्दा थेब मुँ।’

यूहन्‍ना 1:34

ङइ म्रोंइमुँ धै ग्वाइ पिंइँमुँ, परमेश्‍वरए च्‍ह खीन् ग।”

यूहन्‍ना 3:26

चमैं यूहन्‍ना ङाँर खसि बिइ, “गुरु! यर्दन स्‍यों क्‍योंजा क्‍हिने मुँबै म्हिए बारेर ओंसों क्हिइ ग्वाइ पिंल, तिंजोरोम् खीजीन् म्हिमैं क्युर प्ल्हुँसि बप्‍तिस्‍मा पिंरिइमुँ। धै ताँन् म्हिमैं खी ङाँर्न ह्‍यारिइमुँ।”

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

चेला चिब्मैंए केमैं 13:25

यूहन्‍नाइ ह्रोंसए केमैं खाँबि छेमा छ बिल, ‘क्हेमैंइ ङ खाब् जा बिसि मैंल? जोगेमिंबै म्रुँ ख्रीष्‍ट ङ आङिं। दिलेया ङए लिउँइँ म्हि घ्रि युसिन् मुँ, खीए प्हलेर्बै जुत्ताए तनि प्‍ल्हबर ङ्हेंब ङ आरे।’