लूका 20:47 - परमेश्‍वरए ताँ तमु क्युइर

⁴⁷ चमैंइ म्हरेस्‍योमैंए धिं नाँ लुडिमुँ। दिलेया म्‍हिमैंए उँइँरि बिस्याँ बेल्‍ले प्राथना लब् प्हैंम्। छाब्‍मैंइ झन् थेबै सजैं योंब्‍मुँ।”

लूका 20:47 ပူးပေါင်းရင်းမြစ်များ

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

मत्ती 23:14

[धिक्‍कार मुँ, शास्‍त्रिमैं नेरो फरिसीमैं क्‍हेमैं फिब्लो पार्दिब्मैं! तलेबिस्याँ क्‍हेमैंइ म्हरेस्योमैंए धिं नाँ लुडिमुँ, धै म्हिमैंइ म्रोंरिगे बिसि ह्रिंग्‍यो प्राथना लब् प्हैंमुँ। छतसि अरूइ भन्दा क्‍हेमैंइ थेबै दण्‍ड योंल् त्‍हुब्‍मुँ।]

मर्कूस 12:40

चमैंइ ङ्हाँदु म्हरेस्योमैंए क्‍ल्‍ह्‍यो न्‍हें लुडिम्, दिलेया फिब्लो पार्दिसि ह्रिंग्‍यो ह्रिंग्‍यो प्राथना लम्। छाबै म्हिमैंइ परमेश्‍वरउँइँले झन् ल्‍हें दण्‍ड योंब्‍मुँ।”

लूका 12:1

च त्हेर्न हजार हजार म्‍हिमैं चर खागु तइ। छले ल्हें म्‍हिमैं तमा म्हिइ म्‍हिन् प्लेबर होंइ। धै येशूजी ओंसों ह्रोंसए चेलामैंने बिइ, “फरिसीमैंए क्हेंर झोंबै प्लेढाउँइँले जोगेइ टिद्। चमैंल स्‍योलिबै ताँमैं लोमिंबै बानि मुँ। छतसि छेनाले ताँ क्होसि न्ह क्रों मि क्रोंले टिद्।

लूका 20:46

ह्रिंबै क्वे खिसि “शास्‍त्रिमैं प्हैंसि छाइ-छुइ बजारजरे प्रमा म्हिमैंइ म्हाँदिरिगे ङ्हाँब, च्हों धिंजरे ह्‍यामा म्हिमैंइ थेब लरिगे ङ्हाँब छलेन भत्‍यारजरे ह्‍यामा मान तबै क्‍ल्‍ह्‍योर क्हुँल् म्‍हैबै शास्त्रिमैंने जोगेसि टिद्।

लूका 21:1

खीजी ङ्ह्‍योरिमा प्ल्हो-प्ल्होबै म्हिमैंइ मन्दिरर्बै भेटि बकसर भेटि झोंरिब् म्रोंइ।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।

तीतस 1:16

चमैंइ परमेश्‍वर ङो सेइमुँ बिम्, दिलेया चमैंइ परमेश्‍वरजी आखोबै केमैं लम्, तलेबिस्याँ चमैंइ छेरन् तबै बानि प्ह्‍याब्मैं, परमेश्‍वरजी बिब आङिंब्मैं, झाइले छ्याँबै केए ल्हागिर तोइ केरै आफेब्मैं तम्।

याकूब 3:1

ओ अलि-अङाँमैं, क्‍हेमैंए न्होंरि ल्‍हें म्‍हिमैं लोमिंबै चिब तल् आम्‍हैद्, तलेबिस्याँ परमेश्‍वरजी निसाफ लमा लोमिंबै चिब्मैंलाइ कडा निसाफ लब्मुँ बिसि क्‍हेमैंइ था सेइमुँ।