लूका 20:37 - परमेश्‍वरए ताँ तमु क्युइर

³⁷ “दिलेया सिब्‍मैं धबै सोगों तसि परमेश्‍वरने टिम् बिबै ताँ मोशाज्‍यै या लुँरिबै झ्याङए बारेर प्‍ह्रिमा याहवेहलाइ ‘अब्राहामए परमेश्‍वर, इसहाकए परमेश्‍वर नेरो याकूबए परमेश्‍वर’ बिसि प्रमाण उँइँमिंइ।

लूका 20:37 ပူးပေါင်းရင်းမြစ်များ

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 28:21

ङ छेनाले आबाए धिंर एखल् योंइ बिस्याँ, ङए परमेश्‍वर क्हि तब्मुँ।

उत्पत्ति 32:9

धै याकूबइ छले प्राथना लइ, “ओ ङए बाज्यु अब्राहाम, ङए आबा इसहाकए परमेश्‍वर, ओ याहवेह, क्हिजी ङने ‘क्हि क्हिए ह्‍युलर क्हिए ङे-ट्हुमैं ङाँर ह्‍याद्। ङइ क्हिए तोन्दोंरि सै छ्याँब लमिंस्यो’ बिल।

प्रस्थान 3:15

परमेश्‍व‍रजी मोशाने चु ताँ या बिइ, “इस्राएलीमैंने बिद्, ‘याहवेह, क्हेमैंए खेमैं माँमैंए परमेश्‍वर अथवा अब्राहाम, इसहाक नेरो याकूबए परमेश्‍वरजी ङ क्हेमैं ङाँर कुलब् ग।’ ङए मिं खोंयोंन् बिलै याहवेह (अथवा ङ ङन् ग) बिब् तरिब्मुँ, धै ताँन् पुस्ता समा ङए मिंन् छले मैंरिगे।”