लूका 20:23 - परमेश्‍वरए ताँ तमु क्युइर

²³ दिलेया खीए सैं किंबर चमैंइ छले ताँ ङ्योएब् ग बिब् सेसि येशूजी चमैंने बिइ,

लूका 20:23 ပူးပေါင်းရင်းမြစ်များ

भजनमैं 95:9

चर ङइ लबै केमैं क्हेमैंए खेमैंइ म्रोंसे या चमैंइ ङए जाँच लइ।

मत्ती 16:1

को-कोइ फरिसीमैं नेरो सदुकीमैं येशू ङाँर खसि खीए जाँच लबर “क्‍हि परमेश्‍वरउँइँले युब् ग बिस्‍याँ स्वर्गर्बै औदिबै चिनु घ्रि लसि उँइँन्,” बिइ।

मत्ती 22:18

दिलेया येशूजी चमैंए सैंर्बै आछ्याँबै ताँ सेसि चमैंने बिइ, “ओ फिब्लो पार्दिब्मैं, क्‍हेमैंइ तले ङए जाँच लल् म्‍हैल?

लूका 20:20

येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।

लूका 20:22

छतसि ङिलाइ बिमिंन्दि। ङिंइ रोमी कैसर म्रुँलाइ बालि फोल् त्हुम् उ आत्हु?”

लूका 20:24

“खोइ ङने मुइ घ्रि उँइँन्दि। च मुइर खाबै नक्‍सा नेरो मिं छाप्‍दिइमुँ?” चमैंइ बिइ, “कैसर म्रुँए मिं नेरो नक्सा मुँ।”

लूका 5:22

दिलेया येशूजी चमैंए सैंर्बै ताँ था सेसि बिइ, “क्‍हेमैं ह्रोंसए सैंर तले छाबै ताँ मैंरिल?

लूका 6:8

दिलेया येशूजी चमैंए सैं न्‍होंर्बै ताँ क्‍होसि यो कार‍याबै म्हिने “रेसि चुर खो,” बिमा च म्हि रेसि राइ।

चेला चिब्मैंए केमैं 13:10

“ओ दियाबलसए च्ह! क्हि ताँन् छ्याँबै केमैंए शत्तुर, ताँन् दुष्‍ट सैमैंइ प्लिंब नेरो स्योर तेब! क्हि प्रभुए सोजो घ्याँ खेदा-ख्योदे लब खोंयोंन् बिलै आपि वा?

१ कोरिन्थी 10:9

झाइले चमैं न्‍होंरि को-कोइ प्रभुए जाँच लब् धोंले ङ्योइ प्रभुए जाँच लल् आत। प्रभुए जाँच लबइले चमैंलाइ प्‍हुरिइ नास लवाइ।

१ कोरिन्थी 3:19

तलेबिस्याँ चु ह्‍युलउँइँले खबै बुद्धि परमेश्‍वरए उँइँर बुद्धि आरेब् धोंन् तब् ग। परमेश्‍वरए छ्वेर छले प्ह्रिइमुँ, “बुद्धि मुँब् प्हैंब्मैंलाइ चमैंइ स्योर तेसि के लरिबै त्हेर्न खीजी क्हावाब्मुँ।”

एफिसी 4:14

धै ङ्यो कोलोमैं धों तरिब् आरे। म्हिमैंइ स्‍योर तेसि स्‍यो स्‍योबै ताँ लोमिंन बिलेया ङ्योइ च्हैब् मैंब् लल् खाँसि सैं ङ्हिं तरिब् आरे। च म्हिमैंइ लुसि स्योलिबै ताँ लोमिंलेया ङ्योइ क्‍वेंरिब् आरे।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।