लूका 20:20 - परमेश्‍वरए ताँ तमु क्युइर

²⁰ येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।

लूका 20:20 ပူးပေါင်းရင်းမြစ်များ

भजनमैं 38:12

ङलाइ सैल् म्हैब्मैंइ ङ सैबै ल्हागिर ङो चुम्; ङए न्होह्रों लल् म्हैब्मैंइ ङलाइ सैबै मत लम्। छले चमैं खोंयोंन् बिलै ङए बिरोधर जाल रोरिम्।

भजनमैं 66:3

“क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

भजनमैं 81:15

याहवेहलाइ तो धोंइ आङ्हाँब्मैं खी म्रोंसि ङ्हिंमल, दिलेया चमैंइ खोंयोंन् बिलै दण्ड योंरिल् त्हुमल।

मत्ती 27:2

झाइले चमैंइ खीलाइ फैसि रोमी क्रथे पिलातस ङाँर बोसि पिंवाइ।

मर्कूस 3:2

“के लल् आतबै प्रिबै त्हिंइरै येशूजी च म्‍हि सल् लमिंम् उ?” बिसि छ्याब् ल्‍हैदिबै सैंले को-कोइ म्हिमैं येशूए छैं लरिल।

लूका 11:54

“येशूजी ताँ पोंमा खनिज्यै गल्‍ति स्यासि ताँ क्हाल् योंम् उ?” बिसि चमैंइ दाउ ङ्‍ह्‍योबर होंइ।

लूका 20:21

चमैंइ येशूने बिइ, “ओ गुरु, क्‍हिइ छ्याँबै ताँ पोंमुँ धै खाबलाज्यै या आफेलल्‍ले परमेश्‍वरए क्‍ह्रोंसेंन्‍बै ताँ छेनाले लोमिंम् बिसि ङिइ सेइमुँ।

लूका 20:26

छबिमा म्‍हिमैंए उँइँर चमैंइ येशूए ताँ क्हाबै क्ल्ह्‍यो आयों। बरु येशूजी बिबै ताँ थेसि चमैं प्लेटोयासि तोइ आबिल्‍ले टिइ।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।