लूका 20:19 - परमेश्‍वरए ताँ तमु क्युइर

¹⁹ येशूजी चु अहान् खेंमैंए बारेर्न पोंरिइमुँ बिसि शास्‍त्रिमैं नेरो खेगि चिब्मैंइ क्‍होइ। छतसि च त्‍हेर्न चमैंइ येशू क्‍हाल् म्‍हैइ। दिलेया चमैं म्हि हुल म्रोंसि ङ्हिंमल।

लूका 20:19 ပူးပေါင်းရင်းမြစ်များ

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

मर्कूस 12:12

खीजी बिबै अहान् खेंमैंए बिरोधर बिब् ग, बिसि चमैंइ क्होइ। छतसि यहूदी चिबनाँब्मैंइ येशू क्‍हाबै सैं लइ। दिलेया म्हिए हुल म्रोंसि चमैं ङ्हिंबइले येशूलाइ वाथेंसि ह्रोंसए घ्‍याँ क्‍हाइ।

लूका 20:14

दिलेया क्‍ल्‍हेए च्‍ह ह्रेंगोउँइँलेन् म्रोंसि आधे लब्‍मैंइ ‘चुम् क्‍ल्‍हेए च्‍ह ग। चुम् हक योंल् त्हुबै म्हि ग। छतसि चलाइ सैवाले धै चए सै न्होर ङ्योलन् तब्‍मुँ बिसि खेंमैं न्‍होंरि ताँ लबर होंइ।’