लूका 2:7 - परमेश्‍वरए ताँ तमु क्युइर

⁷ झाइले चइ ह्रोंसए च्‍ह थेब फिसि क्वेंइ म्होरसि खेदोमैंइ चब् चबै डोंडर नेथेंइ, तलेबिस्याँ चमैं टिबै ल्हागिर ठाँटिर क्‍ल्‍ह्‍यो आरेल।

लूका 2:7 ပူးပေါင်းရင်းမြစ်များ

उत्पत्ति 42:27

घ्याँर बास टिबै क्ल्ह्‍योर चमैं न्होंर्बै म्हि घ्रिइ ह्रोंसए गधा दाना पिंब् बिसि नेंदों फैमा नेंदोंए सुँर खेंमैंए चाँदिए मुइ या म्रोंइ।

उत्पत्ति 43:21

धिंर एह्‍यामा बास टिबै क्ल्ह्‍योर फेसि ङिए नेंदों प्ल्हमा ङिइ नेंदोंमैंए सुँर ङिए चाँदिए मुइ म्रोंइ। दिलेया ङिइ चु मुइ एपखइमुँ।

भजनमैं 22:6

दिलेया ङ प्हुँलुँ धोंन् तब् मुँ, म्हि आङिं बिसि म्हिमैंइ ङलाइ तोइ धोंइ आङ्हाँ, धै ङलाइ प्ह्रइमुँ।

प्रस्थान 4:24

झाइले घ्याँर बास टिबै क्ल्ह्‍योर याहवेहजी मोशाने त्होसि चलाइ सैल् म्हैइ।

मत्ती 1:25

दिलेया मरियमइ प्हसे आफिन् समा योसेफ ह्रोंसए प्‍ह्रेंस्‍यो मरियमने बालु आरो। झाइले च्‍ह फिबै लिउँइँ योसेफइ च्हए मिं “येशू” थेंइ।

मत्ती 13:55

चुम् सिंए के लबै म्हिए च्‍ह आङिं वा? चुए आमाए मिं मरियम आङिं वा? धै याकूब, योसेफ, सिमोन नेरो यहूदा चुए अलिमैं आङिं वा?

मत्ती 8:20

छबिमा येशूजी चने बिइ, “स्‍येलमैंला टिबै रो मुँ, नमेमैंला च्‍हों मुँ, दिलेया ‘म्हिए च्हलम्’ क्र क्ह्‍युबै क्‍ल्‍ह्‍यो या आरे।”

लूका 10:34

धै च ङाँर ह्‍यासि मैं फोमिंसि चए घार पट्टि फैमिंसि खीए गधाए फिर थेंसि ठाँटि घ्रिर बोसि चए सुसार लइ।

लूका 2:6

धै बेथलेहेमर मुँमा मरियम सुत्‍केरि तबै त्‍हे तइ।

लूका 2:8

च बेथलेहेम बिबै नाँसए पखजरे प्‍ह्रोंछैंमैं ह्रोंसए क्‍युमैं रुँबर म्‍हुँइँसर टिरिल।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।