लूका 2:47 - परमेश्‍वरए ताँ तमु क्युइर

⁴⁷ खीए क्होबै शक्‍ति नेरो छ्याँबै ज्वाफमैं पिंब् म्रोंसि खीए ताँ थेब्मैं ताँन् प्लेटोयाइ।

लूका 2:47 ပူးပေါင်းရင်းမြစ်များ

भजनमैं 119:99

ङलाइ लोमिंब्मैंइ भन्दा ङइ ल्हें क्होइमुँ, तलेबिस्याँ क्हिजी बिबै ताँमैं ङए सैंर मैंरिमुँ।

मत्ती 13:54

झाइले ह्रोंसए नाँसर खसि चमैंए च्हों धिंर ताँ लोमिंमा खीए ताँ थेबै म्हिमैं प्लेटोयासि बिइ, “चु छाबै औदिबै केमैं लबै शक्‍ति नेरो बुद्धि चइ खनिउँइँले योंगे?

मत्ती 22:33

छले खीजी लोमिंबै ताँमैं थेसि चर्बै म्‍हिए हुल प्लेटोयाइ।

मत्ती 7:28

येशूजी लोमिंबै चु ताँमैं थेबै लिउँइँ म्‍हिए हुल प्लेटोयाइ।

मर्कूस 1:22

येशूए ताँ थेब्‍मैं प्लेटोयाइ तलेबिस्याँ येशूजी म्हिमैंने अरू शास्‍त्रिमैंइ धोंले आलोमिंल, बरु हग मुँल्‍ले लोमिंल।

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

मर्कूस 6:2

धै प्रिबै त्हिंइरि येशू च्हों धिंर ह्‍यासि म्हिमैंने परमेश्‍वरए ताँ लोमिंबर होंइ। खीए ताँ थेब्मैं न्होंर्बै ल्हें म्हिइ अचम्‍मा ङ्हाँसि छ बिइ, “चु म्‍हिजी छाबै ताँमैं खनिउँइँले ह्रगे? चु म्‍हिजी योंबै ज्ञान खैब जा? चु म्‍हिउँइँले छाबै अचम्‍माबै केमैं खैले तब् जा?

लूका 2:18

प्ह्रोंछैंमैंइ बिबै ताँ थेब्‍मैं ताँन् प्लेटोयाइ।

लूका 2:46

सोंरो लिउँइँ चमैं मन्दिरर ह्‍यामा येशू परमेश्‍वरए ठिम लोमिंबै म्हिमैंए म्हाँजोर क्हुँसि चमैंए ताँ थेसि चमैंने ताँमैं ङ्योएरिब स्याइ।

लूका 4:22

ताँन् म्हिमैंइ “चुम् स्‍वाबै म्हि मुँन!” बिसि खीए छ्याँबै बयन लइ, धै खीजी पोंबै सैं तोंबै छ्याँबै ताँमैं थेसि चमैं ताँन् प्लेटोयाइ। धै “चुम् योसेफए च्‍ह आङिं वा?” बिसि चमैंइ बिइ।

लूका 4:32

खीजी लोमिंबै ताँ थेब्मैं प्लेटोयाइ तलेबिस्याँ खीजी हग मुँल्‍ले ताँ पोंमल।

यूहन्‍ना 7:15

खीजी लोमिंबै ताँ थेसि यहूदी चिबनाँब्मैंइ अचम्‍मा ङ्हाँसि बिइ, “तोइ आखेबै म्हिइ खैले च्हौ ल्हें ताँमैं ह्रल् खाँगे?”

यूहन्‍ना 7:46

सिपाइमैंइ बिइ, “चु म्हिइ पोंब् धों तबै छ्याँबै ताँ अरू खाबज्‍यै खोंयोंइ आपोंइँमुँ!”