लूका 2:41 - परमेश्‍वरए ताँ तमु क्युइर

⁴¹ कोलोए आबा आमा सालै ह्रोंसे दुःखने फ्रेबै चाड म्हाँदिबर यरूशलेमर ह्‍याब्रें लमल।

लूका 2:41 ပူးပေါင်းရင်းမြစ်များ

प्रस्थान 12:11

चु याहवेहजी दुःखउँइँले फ्रेमिंबै चाड ग। छतसि क्हेमैंइ फगि खिसि, प्हलेर जुत्ता खिसि, योर प्हरे किंसि यु-युनले चद्।

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 34:23

“क्हेमैंए ताँन् मुँयुँमैं बर्षर सोंखे इस्राएलर्बै याहवेह परमेश्‍वरए उँइँर खल् त्हुम्।

लूका 2:42

येशू च्युसे ङ्हिंदिंर्बै तमा येशूलाइ बोसि चमैं चाड म्हाँदिबर यरूशलेमर ह्‍याइ।

यूहन्‍ना 11:55

च त्हेर यहूदीमैंए दुःखने फ्रेबै चाड खबि छेल। छतसि नाँ-नाँसर्बै ल्‍हें म्हिमैं ह्रों-ह्रोंसलाइ चोखो लब् बिसि दुःखने फ्रेबै चाड खब् भन्दा ओंसोंन् यरूशलेमर ह्‍याइ।

यूहन्‍ना 13:1

खीजी चु ह्‍युल पिसि परमेश्‍वर आबा ङाँर ह्‍याबै त्हे तखइमुँ बिसि दुःखने फ्रेबै चाडए ओंसोंन् येशूजी था सेल। खीजी ह्‍युलर मुँबै ह्रोंसए चेलामैंने खोंयोंइ म्हाँया लरिमल, धै लिउँइँ समन् चमैंने म्हाँया लरिइ।

यूहन्‍ना 2:13

च त्‍हेर यहूदीमैंए दुःखने फ्रेबै चाड खबि छेमा येशू यरूशलेमर ह्‍याइ।

यूहन्‍ना 6:4

च त्‍हेर यहूदीमैंए दुःखने फ्रेबै चाड खबि छेल।