लूका 2:39 - परमेश्‍वरए ताँ तमु क्युइर

³⁹ परमेश्‍वरए छ्वेर बिब् धोंले लल् त्‍हुबै ताँन् के लल् खाँसि योसेफ नेरो मरियम कोलो बोसि गालील ह्‍युलर्बै नासरत बिबै ह्रोंसए नाँसर एह्‍याइ।

लूका 2:39 ပူးပေါင်းရင်းမြစ်များ

मत्ती 3:15

दिलेया येशूजी यूहन्‍नाने बिइ, “तोगो छान् तरिगे। छले ङ्योइ परमेश्‍वरजी बिब् धोंले लब् छ्याँब मुँ।” छबिमा यूहन्‍नाइ येशूलाइ बप्‍तिस्‍मा पिंइ।

लूका 1:26

इलिशिबाइ प्‍हसे नोबै म्हैंन ट्हुलर परमेश्‍वरजी गब्रिएल स्‍वर्गदूत गालील ह्‍युलर्बै नासरत बिबै नाँसर कुल्मिंइ।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

लूका 2:4

छतसि योसेफै या गालील ह्‍युलर्बै नासरत सहरउँइँले यहूदीया ह्‍युलए बेथलेहेम बिबै नाँसर ह्‍याइ, तलेबिस्याँ चए खे दाऊद म्रुँ च बेथलेहेम नाँसर्बै मुँल।

लूका 2:51

च लिउँइँ येशू चमैंने बालु नासरत नाँसर एह्‍याइ, धै आबा आमाइ बिब् ङिंसि टिइ। चर म्रोंबै ताँन् ताँमैं आमाइ सैंर थेंइ।

लूका 4:16

झाइले येशू ह्रोंस फाराबै सहर नासरतर ह्‍याइ। खी प्रिबै त्हिंइर च्हों धिंर ह्‍याब्रें लबै बाँनि मुँल। छतसि च्हों धिंर ह्‍यासि परमेश्‍वरए छ्वे खेबर राइ।

लूका 4:23

येशूजी चमैंने बिइ, “ओ बैद्य, क्‍हि ह्रोंसलाइन सल् लद्‍। क्हिजी कफर्नहुमर तो-तो केमैं ल‍इमुँ बिब ङिंइ थेल। छतसि चर लब् धों तबै केमैं ह्रोंसए नाँसरै या लद्‍ बिबै चु अहान् क्ह्रोसेंन क्‍हेमैंइ ङने बिब्मुँ आङिं वा।”