लूका 2:38 - परमेश्‍वरए ताँ तमु क्युइर

³⁸ च त्‍हेर्न हन्‍ना खसि परमेश्‍वरलाइ धन्‍यबाद पिंबर होंइ। झाइले परमेश्‍वरजी यरूशलेम जोगेमिंब्मुँ बिसि घ्याँ ङ्ह्‍योरिबै ताँन् म्हिमैंने चइ चु कोलोए बारेर ताँ लमल।

लूका 2:38 ပူးပေါင်းရင်းမြစ်များ

मर्कूस 15:43

छतमा अरिमाथियाथें योसेफ च ङेसार आङ्हिंन्ले पिलातस ङाँर ह्‍यासि येशूए सिनु ह्रिइ। (च योसेफ थेबै म्हि च्होंर्बै चिब मुँल। चइ परमेश्‍वरए ग्याल्स खोंयों युब् ङ्‍हे बिसि घ्‍याँ ङ्‌ह्‍योरिल।)

लूका 1:68

“इस्राएलीमैंइ म्हाँदिबै परमेश्‍वरए मिं थेब तरिगे। तलेबिस्याँ ह्रोंसए म्‍हिमैं जोगेमिंबै ल्हागिर खी युइमुँ।

लूका 2:25

च त्‍हेर यरूशलेम सहरर शिमियोन बिबै म्‍हि घ्रि टिमल। च छ्याँबै के लबै म्‍हि नेरो परमेश्‍वर म्हाँदिबै म्‍हि मुँल, चने बालु परमेश्‍वरए पबित्र प्ल्ह मुँल। इस्राएली म्‍हिमैंलाइ परमेश्‍वरजी जोगेमिंब्मुँ बिसि शिमियोनइ ल्हें बर्ष ओंनोंन् परमेश्‍वरए घ्याँ ङ्ह्‍योरिल।

लूका 2:36

झाइले च मन्दिरर हन्‍ना अगमबक्‍तास्यो मुँल। च‍ए आबा फनुएल बिब् मुँल, च आशेरए कुलर्बै मुँल। च हन्‍ना ब्ह्‍या लबै ङिदिंर्न प्युँ सियासि म्हरेस्यो तयाल।

लूका 23:51

येशूलाइ सैले बिसि मत लबै म्हिमैंने योसेफ आक्ह्रिल। च यहूदीया ह्‍युलर्बै अरिमथियाथें मुँल। परमेश्‍वरजी खन्‍तोंदोंन् ग्याल्स खोंयों लब् ङ्‍हे बिसि चइ घ्‍याँ ङ्‌ह्‍योरिल।

लूका 24:21

‘ङ्योए इस्राएलीमैंलाइ जोगेमिंबै म्‍हि येशून् ग,’ बिसि ङिइ आशा लल। दिलेया येशू सिसि तिंयाँ सोंरो तल् खाँइ।

२ कोरिन्थी 9:15

बयन लसे लल् आखाँबै बेल्‍ले थेबै बरदान परमेश्‍वरजी ङ्योलाइ पिंसेरो खीलाइ धन्‍यबाद पिंले।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।