लूका 2:34 - परमेश्‍वरए ताँ तमु क्युइर

³⁴ झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

लूका 2:34 ပူးပေါင်းရင်းမြစ်များ

उत्पत्ति 14:19

“स्वर्ग नेरो पृथ्बी बनेबै ताँन् भन्दा थेबै परमेश्‍वरउँइँले अब्रामइ आशिक योंरिगे!

उत्पत्ति 47:7

च लिउँइँ योसेफइ ह्रोंसए आबा याकूबलाज्यै या फारोने त्होबर बोइ। छले त्होमा याकूबइ फारोए फिर आशिक पिंइ।

प्रस्थान 39:43

मोशाइ चमैंइ लबै ताँन् केमैं ङ्‍ह्‍योमा याहवेहजी बिब् धोंलेन् चमैंइ लइ बिब् म्रोंइ। छतसि मोशाइ चमैं ताँनए फिर आशिक पिंइ।

मत्ती 11:19

म्हिए च्ह युसि चब् थुँब् लमा ‘ङ्‍ह्‍योत्ति, च चब्लाँ, प्हा को, बालि रेब्‍मैं नेरो अरू पापिमैंए थु!’ बिसि म्‍हिमैंइ बिमल। दिलेया परमेश्‍वरए बुद्धिए केमैं म्रोंसिन् क्ह्रोसेंन्ले बुद्धि छ्याँब् मुँन बिबै ताँ क्हेमैंइ सेल् खाँम्।”

मत्ती 12:46

येशूजी म्‍हिए हुलने चु ताँमैं पोंरिमा खीए आमा नेरो अलिमैं खीने ताँ लदा ङ्हाँसि बैरु रारिल।

मत्ती 21:44

[चु युँमाए फिर क्‍हुरिह्‍याब्मैं नास तयाब्मुँ, धै खाबै फिर च युँमा तेयामुँ चलाइ प्लेवाब्‍मुँ।]

मत्ती 27:63

चमैंइ पिलातसने बिइ, “ओ चिब, च स्योर्गुइ सोगों मुँमा ‘ङ सियालेया सोंरोंर धबै सोगों तसि खब्मुँ’ बिल। चइ बिबै ताँ ङिइ चिरिइमुँ।

लूका 2:35

छतमा खीजी म्‍हिमैंए सैं न्‍होंर्बै ताँमैं उँइँमिंब्‍मुँ। झाइले सेलाँइ (तरवारइ) म्‍लोब् धोंले क्‍हिए सैं बेल्‍ले नब्‍मुँ।”

यूहन्‍ना 3:20

तलेबिस्याँ दुष्‍ट के लब्मैंइ चारबै ह्‍वेलाइ आखो, तलेबिस्याँ खेंमैंइ लबै के म्‍हिमैंइ म्रोंवाब्मुँ बिसि चमैं चारबै ह्‍वेर आखा।

यूहन्‍ना 5:18

चु ताँ थेसि यहूदी चिबनाँब्मैंइ येशूलाइ सैबै घ्याँ म्‍हैइ। तलेबिस्याँ खीजी प्रिबै त्हिंइर के लब् मत्‍त्रे आङिं, दिलेया परमेश्‍वरलाइ ह्रोंसए आबा ग बिसि ह्रोंसलाइन परमेश्‍वर धों तब् ग बिल।

चेला चिब्मैंए केमैं 13:45

छले च्हौ ल्हें म्हि खब् म्रोंसि बिश्‍वास आलबै यहूदीमैं बेल्‍ले ह्रिस खइ, धै पावलइ बिबै ताँ थोसि चलाइ आछ्याँन्ले स्यारइ।

चेला चिब्मैंए केमैं 17:6

दिलेया चमैंइ पावल नेरो सिलास स्याल् आखाँमा यासोन नेरो प्रभुए फिर बिश्‍वास लबै को-कोइ आघें-अलिमैं सहरर्बै चिबनाँब्मैं ङाँर चैं पखसि बिइ, “ह्‍युलन् उल्टो-पुल्टु लबै म्हिमैं चुरै या फेखइमुँ,” बिसि ओरइ।

चेला चिब्मैंए केमैं 24:5

“चु म्हिइ ह्‍युल तिगोंन् दुःख पिंदै प्रसि ताँन् यहूदीमैंए म्हाँजोर प्होंगि लवाम्, धै नासरतथेंए टोलिर्बै चिब तसि प्रब ङिइ स्याइमुँ।

चेला चिब्मैंए केमैं 28:22

दिलेया क्‍हिए सैंर मैंबै ताँमैं ङिइ क्हिउँइँलेन् थेदा ङ्हाँइँमुँ, तलेबिस्याँ खन्तोदोंन् म्हिमैंइ क्हिए टोलिमैंए बारेर बिरोध लसि पोंरिब ङिइ थेइमुँ।”

चेला चिब्मैंए केमैं 4:26

याहवेह नेरो खीजी त्हाँबै म्हिए बिरोधर ह्‍युलर्बै म्रुँमैं राइ, धै क्रथे मिंथेमैं ताँन् खागु तइ।’

चेला चिब्मैंए केमैं 6:7

झाइले परमेश्‍वरए ताँ खन्तोंदोंन् फेनेइ, धै चेलामैं यरूशलेम तिगोंन् प्लिंइ। छतमा ख्रो पिंबै ल्हें खेगिमैंइ येशूए फिर बिश्‍वास लइ।

रोमी 9:32

तले आखाँ बिस्‍याँ चमैंइ बिश्‍वास आलल्‍ले धर्म‍-कर्म लसि परमेश्‍वरए उँइँर ठिक ठर्दिम् बिसि मैंरिल। छतसि चमैंए ल्हागिर येशू ख्रीष्‍ट प्हले थुरबै युँमा धोंन् तइ।

१ कोरिन्थी 1:23

दिलेया ङ्योइ बिस्याँ क्रूसर च्योवाबै येशू ख्रीष्‍टउँइँले खबै सैं तोंबै ताँ बिप्रम्। चु ताँ यहूदीमैंइ तिफुँइ आखो, छलेन अरू ह्रेंमैंए ल्हागिर चु ताँ बुद्धि आरेब्मैंइ पोंबै ताँ धों ङ्हाँम्।

हिब्रू 7:1

चु मल्‍किसेदेक शालेम बिबै सहरर्बै म्रुँ नेरो ताँन् भन्दा थेबै परमेश्‍वरए मिंर ख्रो पिंबै खेगि मुँल। अब्राहामइ म्रुँमैंलाइ ट्होइ एखमा मेल्‍किसेदेकइ चने त्‍होसि आशिक पिंल।

हिब्रू 7:7

आशिक योंबै म्‍हि भन्दा आशिक पिंबै म्‍हिन् थेब तम् बिसि ङ्योइ सेइमुँ। चुर आक्ह्रिबै ताँ तोइ आरे।

१ पत्रुस 4:14

क्‍हेमैंइ ख्रीष्‍टए फिर बिश्‍वास लबइले म्‍हिमैंइ क्‍हेमैंए आब्रु वास्‍याँ सैं तोंन्, तलेबिस्याँ छाबै त्हेर ताँन् भन्दा थेबै मान मुँबै परमेश्‍वरए पबित्र प्ल्ह क्‍हेमैंने तब्मुँ।