लूका 2:11 - परमेश्‍वरए ताँ तमु क्युइर

¹¹ तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

लूका 2:11 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 2:2

याहवेह नेरो खीजी छ्युगु फोसि त्हाँबै म्रुँए बिरोधर ह्‍युलर्बै म्रुँमैं राम्, धै चर्बै चिब्मैं खागु तसि खेंमैंए न्होंर मदो लसि

मत्ती 1:16

याकूबए च्‍ह योसेफ मुँल। योसेफए प्ह्रेंस्यो मरियम मुँल। मरियम परमेश्‍वरजी कुल्मिंबै म्रुँ ख्रीष्‍ट येशूए आमा मुँल।

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

मत्ती 16:20

झाइले खीजी चेलामैंने “ङ ख्रीष्‍ट ग बिसि खाबलाज्यै या आबिद् ओ,” बिसि ल्हैदिइ।

लूका 1:43

क्‍हि ङए प्रभुए आमा तसेया ङ ङाँर खबइले ङ बेल्‍ले ङ्‍हो सब् तइमुँ।

लूका 1:69

खीजी दाऊद म्रुँए कुलर ङ्यो जोगेमिंबै ल्हागिर थेबै शक्‍ति मुँबै मुक्‍तिदाता कुल्मिंइमुँ।

लूका 2:26

परमेश्‍वरजी कुल्‍मिंबै म्रुँ ख्रीष्‍ट आम्रोंन् समा क्हि आसि बिसि पबित्र प्ल्हजी चने ओंसोंन् था पिंल।

लूका 2:4

छतसि योसेफै या गालील ह्‍युलर्बै नासरत सहरउँइँले यहूदीया ह्‍युलए बेथलेहेम बिबै नाँसर ह्‍याइ, तलेबिस्याँ चए खे दाऊद म्रुँ च बेथलेहेम नाँसर्बै मुँल।

यूहन्‍ना 1:41

चइ ह्रोंसए आघें सिमोनने त्होसि बिइ, “ङिइ मसीह त्होइ।” (मसीह बिब ग्रिक क्युइर परमेश्‍वरजी कुल्मिंबै म्रुँ ख्रीष्‍ट ग।)

यूहन्‍ना 1:45

च लिउँइँ फिलिपइ नथानेलने त्होसि बिइ, “मोशाए ठिम नेरो अगमबक्‍तामैंज्यै या म्हि घ्रिए बारेर प्ह्रिथेंल, च म्हि तिंयाँ ङिइ त्होइ खी योसेफए च्‍ह नासरतथें येशू मुँन।”

यूहन्‍ना 11:27

मार्थाइ खीने बिइ, “अँ प्रभु, क्‍हि परमेश्‍वरए च्ह ख्रीष्‍ट ह्‍युलर युब् ग बिसि ङ क्वेंम्।”

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 4:25

च च्हमिरिइ खीने बिइ, “ङइ सेइमुँ परमेश्‍वरजी कुल्मिंबै म्रुँ ख्रीष्‍ट युसिन् मुँ, खोंयों खी युमुँ, च्हमन् खीजीन् तोन्दोंरि ताँमैं ङिने बिमिंब्मुँ।”

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

यूहन्‍ना 6:69

क्हि परमेश्‍वरजी कुल्मिंबै पबित्र म्हि ग बिब् सेसि ङिइ क्हिए फिर बिश्‍वास लइमुँ।”

यूहन्‍ना 7:41

को-कोइ “खी परमेश्‍वरजी कुल्मिंबै म्रुँ ख्रीष्‍ट ग,” बिइ। दिलेया को-कोइ “म्रुँ ख्रीष्‍ट गालीललउँइँले खम् रो वा?” बिइ।

चेला चिब्मैंए केमैं 10:36

येशू ख्रीष्‍टउँइँले छिं ङ्हाँल् लबै सैं तोंबै ताँ परमेश्‍वरजी इस्राएलीमैंलाइ बिइ बिसि क्हेमैंइ सेइमुँ। (येशू ख्रीष्‍टन् ताँनए प्रभु ग।)

चेला चिब्मैंए केमैं 13:23

परमेश्‍वरजी बाछा लब् धोंले दाऊदए सन्तानउँइँले इस्राएलीमैं जोगेमिंबै ल्हागिर खीजी येशूलाइ कुल्मिंइ।

चेला चिब्मैंए केमैं 17:3

“परमेश्‍वरजी कुल्मिंबै म्रुँ ख्रीष्‍टजी क्ह्रोंसेंन दुःख नोसि सिबउँइँले धबै सोगों तल् त्हुमल। येशूउँइँले खबै सैं तोंबै ताँ ङ क्हेमैंने बिमिंम्। खीन् परमेश्‍वरजी कुल्मिंबै म्रुँ ख्रीष्‍ट ग!” बिसि चइ परमेश्‍वरए छ्वेउँइँले प्रमाण उँइँइ।

चेला चिब्मैंए केमैं 2:36

छतसि तारे इस्राएलर्बै ताँन् म्‍हिमैंइ चु ताँ छेनाले क्होरिगे: क्हेमैंइ क्रूसर च्योवाबै चु येशून् परमेश्‍वरजी ताँन् म्हिमैंए प्रभु नेरो जोगेमिंबै म्रुँ ख्रीष्‍ट लमिंइँमुँ।”

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

१ कोरिन्थी 15:47

ओंसोंबै म्‍हि सउँइँले बनेबै पृथ्‍बीर्बै म्हि ग, लिउँइँबै म्हि स्‍वर्गर्बै म्हि ग।

फिलिप्पी 2:11

झाइले ताँनइ परमेश्‍वर आबाए मान तबै ल्हागिर “येशू ख्रीष्‍टन् प्रभु ग” बिसि म्हाँदिब्मुँ।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

कलस्सी 2:6

छतसि क्हेमैंइ ख्रीष्‍ट येशूलाइ प्रभु बिसि म्हाँदिब् धोंले खीनेन् घ्रि तसि छ्ह थोद्।

१ यूहन्‍ना 4:14

परमेश्‍वर आबाजी खीए च्‍हलाइ ह्‍युलर्बै म्‍हिमैं जोगेबर कुल्‍मिंब् ग बिसि ङिइ म्रोंइमुँ धै ग्वाइ पिंम्।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।