लूका 19:47 - परमेश्‍वरए ताँ तमु क्युइर

⁴⁷ छले येशूजी त्हिंइ ह्रोंसे मन्दिरर म्हिमैं लोमिंमल। छतसि ख्रो पिंबै खेगि चिब्मैं, शास्‍त्रिमैं नेरो चिबनाँब्मैं क्ह्रिसि येशू सैल् म्‍हैमल।

लूका 19:47 ပူးပေါင်းရင်းမြစ်များ

मत्ती 21:23

च लिउँइँ येशू मन्दिरर ह्‍यासि ताँमैं लोमिंबर होंमा ख्रो पिंबै खेगि चिब्मैं नेरो यहूदी चिबनाँब्मैं खी ङाँर खसि “क्हिइ खाबै हगउँइँले चु केमैं लल? खाबइ चु केमैं लबै हग पिंइ?” बिसि ङ्योएइ।

मत्ती 26:55

च त्हेर्न येशूजी खी क्‍हाबर खबै म्हिए हुलने बिइ, “ह्‍यो क्हाबर खब् धोंले सेलाँ नेरो प्‍हरे छेसि ङ ङाँर तले खल? ङइ त्हिंइ ह्रोंसे मन्दिरर लोमिंममा क्‍हेमैंइ ङलाइ आक्‍हा।

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

मर्कूस 12:12

खीजी बिबै अहान् खेंमैंए बिरोधर बिब् ग, बिसि चमैंइ क्होइ। छतसि यहूदी चिबनाँब्मैंइ येशू क्‍हाबै सैं लइ। दिलेया म्हिए हुल म्रोंसि चमैं ङ्हिंबइले येशूलाइ वाथेंसि ह्रोंसए घ्‍याँ क्‍हाइ।

मर्कूस 14:1

दुःखने फ्रेबै चाड नेरो प्लेढा आझोंबै क्हें चबै त्हिंइ खब ङ्हिरो चैल। ख्रो पिंबै खेगि चिब्मैं नेरो शास्‍त्रिमैंइ खाबज्यै आसेल्‍‍ले येशूलाइ खैले क्हासि सैब् ङ्‍हे बिसि घ्‍याँ म्‍हैरिल।

मर्कूस 14:49

ङइ ओंसों ओंनोंन् त्हिंइ ह्रोंसे मन्दिरर क्‍हेमैंलाइ लोमिंमा क्‍हेमैंइ ङलाइ आक्‍हा। दिलेया परमेश्‍वरए छ्वेर प्‍ह्रिबै ताँ पूरा तरिगे बिसि चु तखब् ग।”

लूका 19:48

दिलेया खी सैबै ल्हागिर चमैंइ तोइ निउँ आयों। तलेबिस्याँ येशूजी लोमिंबै ताँ बेल्‍ले छ्याँब म्हाँदिसि म्हिमैंइ थेमल।

लूका 20:19

येशूजी चु अहान् खेंमैंए बारेर्न पोंरिइमुँ बिसि शास्‍त्रिमैं नेरो खेगि चिब्मैंइ क्‍होइ। छतसि च त्‍हेर्न चमैंइ येशू क्‍हाल् म्‍हैइ। दिलेया चमैं म्हि हुल म्रोंसि ङ्हिंमल।

यूहन्‍ना 10:39

चु ताँ थेसि चमैंइ धबै येशूलाइ क्‍हाल् म्‍हैइ। दिलेया चमैंए योउँइँले खी स्योयाइ।

यूहन्‍ना 18:20

येशूजी चने बिइ, “ङइ म्हिमैंए उँइँर ताँनइ थेल्‍ले बिइमुँ। ङइ खोंयोंन् बिलै यहूदीमैं खागु तबै म्हि च्हों धिंर नेरो मन्दिरर लोमिंमल। ङइ आसेल्‍ले तोइ आबिइमुँ।

यूहन्‍ना 7:19

ङ्योए खे मोशाइ क्‍हेमैंने परमेश्‍वरए ठिम पिंइ, आपिं वा? दिलेया क्‍हेमैं खाबज्‍यै च ठिम आम्हाँदि। क्हेमैं झन् ङलाइ सैल् म्‍हैब् वा?”

यूहन्‍ना 7:44

चमैं न्होंरि को-कोइ खीलाइ क्‍हाल् म्‍हैइ। दिलेया खाबज्यै खीए फिर यो आझोंल।