लूका 19:44 - परमेश्‍वरए ताँ तमु क्युइर

⁴⁴ चमैंइ चु सहर फुवासि चु न्‍होंर्बै ताँन् म्‍हिमैं या सैवाब्‍मुँ। धिंए गारार युँमा घ्रिए फिर अर्को युँमा तरिब् आरे। तलेबिस्याँ ‘ङिं जोगेमिंबर परमेश्‍वर युल!’ बिबै ताँ क्हेमैंइ क्होल् आखाँल।”

लूका 19:44 ပူးပေါင်းရင်းမြစ်များ

भजनमैं 137:9

क्हिए च्युगुथिरि कोलोमैंलाइ क्हासि युँमार प्योवाबै म्हिइ आशिक योंब्मुँ।

मत्ती 24:2

खीजी चमैंने बिइ, “क्हेमैंइ चु ताँन् धिंमैं म्रोंइ, आङि वा? क्ह्रोंसेंन ङ क्हेमैंने बिमुँ, प्‍हँना लिउँइँ चु मन्दिरर्बै युँमा घ्रिए फिर अर्को युँमा तरिब् आरे। ताँन् फुवासि भ्योंवाब्मुँ।”

मर्कूस 13:2

येशूजी चने बिइ, “क्‍हिइ तोगो थे-थेबै छ्याँबै धिंमैं म्रोंइमुँ? प्‍हँना लिउँइँ चु मन्दिरर्बै युँमा घ्रि या खीए क्‍ल्‍ह्‍योर तरिब् आरे, घ्रि या आचैल्‍ले ताँन् गारामैं फुह्‍याब्‍मुँ।”

लूका 1:68

“इस्राएलीमैंइ म्हाँदिबै परमेश्‍वरए मिं थेब तरिगे। तलेबिस्याँ ह्रोंसए म्‍हिमैं जोगेमिंबै ल्हागिर खी युइमुँ।

लूका 1:78

तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

लूका 19:42

चर्बै म्‍हिमैंए बारेर खीजी छले बिइ, “शान्‍ति तो ताँइ पखम् बिसि क्‍हेमैंइ तिंयाँ सेस्‍याँ तमल! दिलेया तारे क्‍हेमैंए मिइ म्रोंल् आयों।

लूका 21:6

“क्‍हेमैंइ चु ताँन् सैमैं तोगो म्रोंइमुँ, दिलेया तिगें चु ताँन् फुयाब्‍मुँ। युँमा घ्रिए फिर अर्को युँमा आचैल्‍ले नास तयाब्‍मुँ।”

१ पत्रुस 2:12

बरु क्‍हेमैं येशूए फिर बिश्‍वास आलब्‍मैंए उँइँर छ्याँबै छ्ह थोद्। म्हिमैंइ क्‍हेमैंलाइ आछ्याँबै के लब्मैं बिसि क्हेमैंए बिरोधर पोंलेया क्हेमैंए छ्याँबै के चमैंइ म्रोंरिगे धै प्रभु येशू युबै त्हिंइर चमैंइ परमेश्‍वरए मिं क्वेरिगे।