लूका 19:38 - परमेश्‍वरए ताँ तमु क्युइर

³⁸ “परमेश्‍वए मिंर युबै म्रुँ बेल्‍ले थेब मुँ। स्वर्ग नेरो पृथ्‍बीर शान्ति तरिगे। खीए मिं खोंयोंन् बिले थेब् तरिगे,” बिदै ओरइ।

लूका 19:38 ပူးပေါင်းရင်းမြစ်များ

मत्ती 2:2

च ङ्‌ह्‍योब् लिब्मैंइ बिइ, “यहूदीमैंए म्रुँ तसि फिबै कोलो खनिर मुँ? तलेबिस्याँ खी फिइमुँ बिसि सेल् पिंबै मुसारा ङिइ स्यारउँइँले त्‍होंब म्रोंइ। छतसि खीलाइ फ्योबर ङि चुर खइमुँ।”

मत्ती 21:9

खीए लिलि ओंसों प्रब्मैंइ छले ओरल, “दाऊदए च्हए जय जय तरिगे! याहवेहए मिंर खबै म्‍हिला आशिक तरिगे! धाँसे थेबै परमेश्‍वरए जय जय तरिगे!”

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

लूका 13:35

ङ्‍ह्‍योद्! तारे क्‍हेमैंए सहर परमेश्‍वरजी नास लवाब्‍मुँ। ङ क्‍हेमैंने बिमुँ, क्‍हेमैंइ ‘परमेश्‍वर आबाजी कुल्‍मिंबै म्‍हिए मान तरिगे’ आबिन् समा क्‍हेमैंइ ङ म्रोंरिब् आरे।”

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

एफिसी 1:12

छतसि ख्रीष्‍टए फिर आशा थेंब्‍मैं न्‍होंरि ओंसोंबै म्‍हिमैं तबइले ङि यहूदीमैंइ “परमेश्‍वरए मिं बेल्‍ले थेब् लदै छ्ह थोरिगे!” बिसि खीजी ङिलाइ त्हाँइ।

एफिसी 1:6

ङ्योइ च्हौ थेबै दयाम्हाँया योंबइले परमेश्‍वरएलाइ धन्यबाद पिंसि खीए मिं बेल्‍ले थेब् लले। खीजी ङ्योलाइ खीए खोबै च्‍हने घ्रिन् लमिंसि आशिकमैं छलेन् पिंइमुँ।

एफिसी 3:10

दिलेया तिंजोरो खीए फिर बिश्‍वास लब्मैंउँइँले स्‍वर्गर्बै म्रुँमैं नेरो अधिकारिमैंइ परमेश्‍वरए औदिबै ज्ञान बुद्धिए ताँमै सेरिगे बिसि खीजी चु चाँजो उँइँमिंइ।

एफिसी 3:21

छतसि तारे खबै ताँन् पुस्‍ता-पुस्तार्बै बिश्‍वासीमैंइ येशू ख्रीष्‍टउँइँलेन् परमेश्‍वरलाइ खोंयोंन् बिलै मान लरिगे। आमेन, छान् तरिगे!

कलस्सी 1:20

छले क्रूसर येशूजी कोए ख्रो पिंबइले परमेश्‍वरजी पृथ्‍बी नेरो स्‍वर्गर मुँबै ताँन् सैमैं खीने बालुन् क्ह्रिल् लमिंइ।

१ तिमोथी 1:17

छतसि खोंयोंन् बिलै तरिबै म्रुँ, खोंयोंइ नास आतब, नेरो म्रोंल आखाँबै घ्रि मत्‍त्रे परमेश्‍वर खीलाइन खोंयोंन् बिलै मान, इजेत नेरो महिमा तरिगे। आमेन, छान् तरिगे!

१ पत्रुस 1:12

चमैंने उँइँमिंबै ताँ चमैंए ल्हागिर आङिं, चमैंइ क्‍हेमैंए सेवा लरिल बिसि परमेश्‍वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्‍वर्गदूतमैंज्यै या चु ताँ था सेदा ङ्हाँइमुँ।