लूका 19:37 - परमेश्‍वरए ताँ तमु क्युइर

³⁷ छले येशू यरूशलेमए चेंदो मुँबै जैतून बिबै कोंउँइँले क्युरु फेयुमा खीजी लबै औदिबै थे-थेबै केमैं मैंदै खीए ताँन् चेलामैं सैं तोंसि परमेश्‍वरए मिं क्वेदै थेबै कैले ओरबर होंइ।

लूका 19:37 ပူးပေါင်းရင်းမြစ်များ

मत्ती 21:1

झाइले खेंमैं यरूशलेमए चेंदो जैतून कोंए बेथफागे बिबै नाँसर फेखमा येशूजी चेलामैं ङ्हिंने छ बिसि कुल्‍मिंइ,

मर्कूस 13:3

झाइले येशू मन्दिरए दे क्‍याइ जैतून बिबै कोंर क्हुँरिमा पत्रुस, याकूब, यूहन्‍ना नेरो अन्‍द्रियासइ खाबज्यै आसेल्‍ले येशूने ङ्योएइ,

मर्कूस 14:26

झाइले खेंमैं भजन घ्रि प्रिंसि जैतून बिबै कोंउँइँ ह्‍याइ।

लूका 18:43

येशूजी छ बिबै तोदोंन् चए मि म्रोंयाँइ। झाइले च सैं तोंदै परमेश्‍वरए मिं क्वेदै येशूए लिलि प्रयाइ। छतब् म्रोंसि ताँन् म्हिमैंज्यै या परमेश्‍वरए मिं क्वेबर होंइ।

लूका 19:20

“अर्को के लबै म्हि खसि बिइ, ‘ओ चिब, क्‍हिइ पिंबै माराए सिक्‍का ङइ ह्रुमालर चोसि थेंल। चुर मुँ नाँ बिइ।

लूका 19:29

बेथफागे नेरो बेथानिया बिबै नाँसए चेंदो जैतून बिबै कोंर फेखमा येशूजी ह्रोंसए चेलामैं ङ्हिंने छ बिसि कुलइ,

लूका 19:36

येशू गधा फिर क्रेसि ह्‍यामा खीए मान लबर म्हिमैंइ खेंमैंए क्‍वें प्‍लिसि घ्‍याँर तिमिंइ।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

यूहन्‍ना 12:18

छलेन खीजी चु औदिबै के लइमुँ बिब् थेसि म्हिए हुल खीने त्होबर खल।