लूका 19:3 - परमेश्‍वरए ताँ तमु क्युइर

³ “येशू खाब् मुँगे” बिसि चइ ङ्‌‍ह्‍योबै सैं लइ। दिलेया मोब तबइले म्‍हिए हुलइ लमा चइ येशू म्रोंल् आखाँ।

लूका 19:3 ပူးပေါင်းရင်းမြစ်များ

मर्कूस 15:40

चर च्हमिरिमैं या ह्रेंगोउँइँले ङ्‌ह्‍योरिल। चमैंए म्‍हाँजोरि मरियम बिबै मग्‍दालाथेंस्‍यो, च्‍योंब याकूब, योसेफए आमा मरियम नेरो सलोमि बिबै च्हमिरि मुँल।

लूका 12:25

क्‍हेमैंए न्होंरि खाबइ न्हुँ लसि ह्रोंसए आयु च्‍हौदे या थप्दिल् खाँम्‍मा?

लूका 19:2

च सहरर जखायस बिबै म्‍हि घ्रि रोमी म्रुँए ल्हागिर बालि रेब्‍मैं न्‍होंर्बै चिब नेरो प्लबै म्हि मुँल।

लूका 19:4

छतसि च ओंसों न्हेयासि येशू ङ्ह्‍योबर तुँबुए धुँर क्रेइ। तलेबिस्याँ येशू च घ्‍याँ तसि खसिन् मुँल।

लूका 23:8

येशूलाइ म्रोंल् योंमा हेरोद बेल्‍ले सैं तोंइ। तलेबिस्याँ येशूजी लबै थेबै केमैं नेरो छ्याँबै ताँमैं बारेर हेरोदइ ओंसोंन् थेल। छतसि ओंसों ओंनोंन् हेरोदए सैंर येशू म्रोंल् योंस्याँ तमल ङ्हाँरिल। धै येशूजी लबै औदिबै चिनु ङ्‍ह्‍योबै सैं मुँल।

यूहन्‍ना 12:21

चमैंइ गालीलर्बै बेथसेदाथें फिलिप ङाँर खसि “ओ चिब, ङि येशूने त्होदा ङ्हाँइमुँ,” बिसि यो छ्युँ लइ।