लूका 19:29 - परमेश्‍वरए ताँ तमु क्युइर

²⁹ बेथफागे नेरो बेथानिया बिबै नाँसए चेंदो जैतून बिबै कोंर फेखमा येशूजी ह्रोंसए चेलामैं ङ्हिंने छ बिसि कुलइ,

लूका 19:29 ပူးပေါင်းရင်းမြစ်များ

मत्ती 21:17

च्हौ बिसि चमैंलाइ वाथेंसि खी सहरउँइँले त्‍होंसि बेथानियार ह्‍यासि चर्न बास टिइ।

लूका 19:30

“च चेंदोबै नाँसर ह्‍यादु। चर ह्‍याम खाबै आक्रेबै गधा झज च्युँइँथेंब क्‍हेमैंइ स्‍याब्‍मुँ। च पिसि चुर पखो।

लूका 19:37

छले येशू यरूशलेमए चेंदो मुँबै जैतून बिबै कोंउँइँले क्युरु फेयुमा खीजी लबै औदिबै थे-थेबै केमैं मैंदै खीए ताँन् चेलामैं सैं तोंसि परमेश्‍वरए मिं क्वेदै थेबै कैले ओरबर होंइ।

लूका 21:37

येशूजी त्हिंइ ह्रोंसे मन्दिरर परमेश्‍वरए ताँमैं लोमिंमल। धै म्‍हुँइँसर जैतून बिबै कोंर ह्‍यासि बास टिब्रें लमल।

लूका 22:39

च क्‍ल्‍ह्‍योउँइँले त्‍होंसि सोदा ह्‍याब् धोंले येशू जैतून कोंउँइँ ह्‍याइ। चेलामैं या खीए लिलिन् ह्‍याइ।

लूका 24:50

छ बिबै लिउँइँ येशूजी चमैं बेथानिया बिबै नाँस समा बोयाइ, धै ह्रोंसए यो क्वेसि चमैंए फिर आशिक पिंइ।

चेला चिब्मैंए केमैं 1:12

च लिउँइँ चमैं जैतून बिबै कोंउँइँले यरूशलेमर एखइ। यरूशलेमउँइँले चु कों किलोमिटर घ्रि दे ह्रेंगो मुँल।