लूका 19:13 - परमेश्‍वरए ताँ तमु क्युइर

¹³ झाइले खी ह्‍याब् भन्दा ओंसों ह्रोंसए के लबै म्हिमैं च्‍युउलो हुइसि ‘ङ आएखन् समा चु माराए सिक्‍काउँइँले छों लद्,’ बिसि माराए सिक्‍का घ्रि घ्रि पिंइ।

लूका 19:13 ပူးပေါင်းရင်းမြစ်များ

मत्ती 25:16

माराए सिक्‍का ङ्‍ह योंबै म्‍हिइ युनन् ह्‍यासि च मुइउँइँले छों लसि अर्को सिक्‍का ङ्‍ह कमदिइ।

मत्ती 25:20

माराए सिक्‍का ङ्‍ह योंबै केब्छैंइ अरू सिक्‍का ङ्‍ह पखसि ‘चिब, क्‍हिजी ङने माराए सिक्‍का ङ्‍हए जिम्मा पिंल। ङइ छों लसि अर्को सिक्‍का ङ्‍ह कमदिइ पखइमुँ,’ बिइ।

मत्ती 25:22

“च लिउँइँ सिक्‍का ङ्हिं योंबै केब्छैंज्यै या क्ल्हे ङाँर खसि बिइ, ‘चिब, क्हिजी ङने सिक्‍का ङ्हिं पिंल। ङइ अर्को सिक्‍का ङ्हिं कमदिसि पखइमुँ।’

मत्ती 25:24

“च लिउँइँ माराए सिक्‍का घ्रि योंबै केब्छैं क्ल्हे ङाँर खसि बिइ, ‘चिब! क्‍हि आरुँइँबै क्ल्ह्‍योउँइँले खैंमुँ, आटाबै क्ल्ह्‍योउँइँले खुमुँ, धै सारो सैं प्ह्‍याबै म्हि मुँ बिसि ङइ सेल।

लूका 19:12

येशूजी बिइ, “प्लबै म्हि घ्रिइ ह्रेंगोर्बै ह्‍युल घ्रि ङए हग न्होंर पखल त्हुइ बिबै सैं लइ।

लूका 19:14

“दिलेया चए ह्‍‍युलर्बै म्हिमैंइ च चिबलाइ आखोमल। छतसि चिब ह्‍याबै लिउँइँ ‘चु म्‍हि ङिए फिर म्रुँ तब ङि आसैदि,’ बिद् बिसि थेबै म्रुँ ङाँर चमैंइ स्यार्बो कुलइ।

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

गलाती 1:10

ङइ म्हिमैंउँइँले स्‍याबासि म्‍हैरिइमुँ उ परमेश्‍वरउँइँले स्‍याबासि म्‍हैरिइमुँ? ङइ म्‍हिमैंए सैं तोंन् लल् म्हैरिइमुँ वा? ङइ अझै म्‍हिमैंए सैं तोंन् लल् म्‍हैरिस्‍याँ ङ ख्रीष्‍टए सेवा लल् आखाँमल।

याकूब 1:1

परमेश्‍वर नेरो प्रभु येशू ख्रीष्‍टए के लबै म्‍हि याकूबउँइँले चु ह्‍युल तिगोंन् प्हुँइ टिबै च्युसे ङ्हिं कुललाइ जय मसीह मुँ।

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।