लूका 18:7 - परमेश्‍वरए ताँ तमु क्युइर

⁷ छलेन परमेश्‍वरजी त्हाँबै म्हिमैंइ त्हिंयाँ म्हुँइँस खीने प्राथना लब्मैंए निसाफ खीजी आलमिं रो वा? क्हेमैंए ल्हागिर निसाफ लमिंबर खीजी क्हैल् लम् रो वा?

लूका 18:7 ပူးပေါင်းရင်းမြစ်များ

भजनमैं 88:1

ओ याहवेह, ङलाइ जोगेमिंबै परमेश्‍वर; ङइ त्हिंयाँ म्हुँइँस क्हिने ग्वार ह्रिइमुँ;

भजनमैं 9:8

खीजी ह्‍युलर्बै म्हिमैंए फिर ठिक निसाफ लम्, खीजी खाबलाज्यै या आफेलल्‍ले निसाफ लम्।

प्रस्थान 22:23

क्हेमैंइ लुडिसि चमैंइ ङने ग्वार ह्रिमा ङइ चमैंए ताँ थेब्मुँ।

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

मत्ती 24:24

तलेबिस्याँ ‘ङ परमेश्‍वरजी कुल्मिंबै म्रुँ ख्रीष्‍ट ग’ बिसि स्‍योर तेब्मैं खब्मुँ। चमैंइ थे-थेबै चिनुमैं नेरो प्लेटोयान् तबै केमैं लसि उँइँब्मुँ, धै परमेश्‍वरजी त्हाँबै म्‍हिमैं खेंमैं ङाँइ बोल् म्‍हैब्‍मुँ।

मत्ती 7:11

छले क्हेमैं दुष्‍टमैं तसेया ह्रोंसए प्हसेमैंलाइ छ्याँब सैमैं पिंल् ह्रम् बिस्याँ, स्वर्गर मुँबै क्हेमैंए परमेश्‍वर आबाजी खीने ह्रिब्मैंलाइ झन् ल्हें छ्याँबै सैमैं पिंब्मुँ।

लूका 11:13

क्‍हेमैं दुष्‍ट तलेया ह्रोंसए प्हसेमैंलाइ छ्याँबै सैमैं पिंल् ह्रम् बिस्याँ, झन् स्‍वर्गर टिबै क्हेमैंए परमेश्‍वर आबाजी खीने बालु ह्रिब्मैंलाइ कति ल्हें पबित्र प्ल्ह पिंब्‍मुँ।”

लूका 2:37

च प्रेच्‍युसे प्‍लिदिं बर्ष तयाल। दिलेया च बर्त टिसि प्राथना लसि त्‍हिंयाँ म्‍हुँइँसा परमेश्‍वर सैंर मैंसि मन्दिरर्न टिरिमल।

लूका 21:28

छाबै ताँ तबर होंमा क्‍हेमैं रेसि क्र कैंडु लद्। तलेबिस्याँ च त्‍हेर्न क्‍हेमैं जोगेमिंबै त्‍हे चेंदो तब्‍मुँ।”

रोमी 8:33

ह्रोंसजी त्‍हाँबै म्‍हिमैंलाइ परमेश्‍वरजीन् छ्याब् आरेब् ठर्दिमिंइमुँ बिस्याँ चमैंलाइ खाबइ छ्याब् ल्‍हैदिल् खाँम्?

कलस्सी 3:12

क्हेमैं परमेश्‍वरजी खोबै त्हाँबै पबित्र म्हिमैं ग। छतसि खीए म्हिमैं तबइले क्‍हेमैंइ आगुए फिर ल्‍हयो खसि छ्याँबै के लब, थेब् आप्‍हैंब, ह्रिस आखब, धै सैदिल् खाँब तद्।

१ थेसलोनिकी 3:10

क्हेमैंने त्होसि क्हेमैंए बिश्‍वास झन भोंसि लमिंबै सैं मैंसि ङि त्‍हिंयाँ म्‍हुँइँस सैं न्होंउँइँलेन् बेल्‍ले प्राथना लम्।

२ थेसलोनिकी 1:6

परमेश्‍वरजी छेनाले निसाफ लम्, क्‍हेमैंए फिर दुःख पिंब्‍मैंलाइ खीजी दुःख पिंम्,

१ तिमोथी 5:5

दिलेया खाबै आरेबै म्हरेस्योमैंइ परमेश्‍वरर मत्‍त्रे आशा थेंम्, धै खीलाइ ल्होमिंन् बिसि त्‍हिंयाँ म्‍हुँइँस परमेश्‍वरने प्राथना लरिम्।

२ तिमोथी 1:3

ङए खेमैं-मामैंइ परमेश्‍वरए केमैं छ्याँबै सैंइ लब् धोंले, ङज्यै या छ्याँबै सैंउँइँले परमेश्‍वरए के लम्, छले ताँनइ छ्याँबै सैंउँइँले मान लल् त्हुबै परमेश्‍वरए सेवा लबै म्हि क्हि तबइले ङए प्राथनार खोंयोंइन् बिलै ङइ क्हिए ल्हागिर परमेश्‍वरलाइ धन्‍यबाद पिंम्।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

तीतस 1:1

परमेश्‍वरए के लबै म्हि, येशू ख्रीष्‍टजी कुल्मिंबै चेला चिब ङ पावलउँइँले तीतसलाइ जय मसीह मुँ। परमेश्‍वरजी त्‍हाँबै म्‍हिमैंए बिश्‍वास भोंब् लमिंबर नेरो खीए उँइँर खैले छ्याँबै छ्ह थोल् त्‍हुम् बिबै क्ह्रोंसेंन्बै ताँ लोमिंबर खीजी ङ कुलब् ग।

१ पत्रुस 1:1

येशू ख्रीष्‍टजी कुल्मिंबै चेला चिब ङ पत्रुसउँइँले पोन्टस, गलातिया, कापाडोकिया, एशिया नेरो बिथिनिया तिगोंन् प्हुँइ टिब्मैंलाइ जय मसीह मुँ!

२ पत्रुस 3:9

को-कोइए सैंर “प्रभु युबर क्‍हैल् लइ,” ङ्हाँलेया प्रभुजी खीजी फैबै बाछा पूरा लबर क्हैल् आल। खाबै या नास आतरिगे बरु ह्रोंसए पापउँइँले सैं एसि खिउँइँ तोरिगे बिसि प्रभुजी क्हेमैंलाइ सैदिसि पैंरिइमुँ।

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)

दर्शन 6:10

“ओ, तोन्दोंरि सै लल् खाँबै प्रभु, पबित्र नेरो क्ह्रोंसेंन्‍बै परमेश्‍वर, ह्‍युलर्बै म्हिमैंइ ङिलाइ सैवाइमुँ। छतसि चमैंए निसाफ लसि चमैंइ लबै केए खि खोंयों समा क्हिजी आकिं?” बिसि चमैं थेबै कैले ओरइ।

दर्शन 7:15

छतसि परमेश्‍वरए राजगद्दिए उँइँर रासि चमैंइ परमेश्‍वरए मन्‍दिरर त्‍हिंयाँ, म्‍हुँइँस खीए सेवा लरिम्। राजगद्दिर क्हुँबै परमेश्‍वर चमैंए म्हाँजोर खोंयोंन् बिलै तरिम् धै खीजी चमैंए रक्षा लमिंम्।