लूका 18:43 - परमेश्‍वरए ताँ तमु क्युइर

⁴³ येशूजी छ बिबै तोदोंन् चए मि म्रोंयाँइ। झाइले च सैं तोंदै परमेश्‍वरए मिं क्वेदै येशूए लिलि प्रयाइ। छतब् म्रोंसि ताँन् म्हिमैंज्यै या परमेश्‍वरए मिं क्वेबर होंइ।

लूका 18:43 ပူးပေါင်းရင်းမြစ်များ

भजनमैं 107:15

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर खीलाइ धन्यबाद पिंरिगे।

भजनमैं 107:8

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर चमैंइ धन्यबाद पिंरिगे।

भजनमैं 146:8

याहवेहजी मि आम्रोंब्मैंए मि थोंमिंम्। ल्हिबै ति नोसि ओलै आखाँब्मैंलाइ याहवेहजी रेमिंम्, याहवेहजी ठिक के लब्मैं म्हाँया लम्।

भजनमैं 30:2

ओ ङए याहवेह परमेश्‍वर, ङ नमा ङइ क्हिने ल्होमिंन् बिसि ग्वार ह्रिइ, धै क्हिजी ङ सल् लमिंइ।

मत्ती 11:5

कनमैंइ मि म्रोंइमुँ, डुँड्मैं प्रइमुँ, कोर खब्‍मैं सइमुँ, न्ह आथेब्मैंइ न्‍ह थेइमुँ, सियाब्‍मैं सोइमुँ धै ङ्हाँदुमैंने परमेश्‍वरउँइँले खबै सैं तोंबै ताँ बिमिंइमुँ।

मत्ती 21:14

च लिउँइँ कनमैं नेरो स्यालेमैं मन्दिरर खी ङाँर खइ, धै खीजी चमैं सल् लमिंइ।

मत्ती 9:8

छले खीजी लबै औदिबै के म्रोंसि चर्बै म्हिमैं ङ्हिंयाँइ, धै म्हिमैंलाइ च्हौ थेबै शक्‍ति पिंबै परमेश्‍वरए मिं क्वेइ।

लूका 13:17

येशूजी चु ताँ बिल् खाँबै लिउँइँ खीए बिरोधीमैं ताँन् फापिन् तयाइ। दिलेया खीजी लबै औदिबै के म्रोंसि चर्बै म्हिमैं बेल्‍ले सैं तोंइ।”

लूका 19:37

छले येशू यरूशलेमए चेंदो मुँबै जैतून बिबै कोंउँइँले क्युरु फेयुमा खीजी लबै औदिबै थे-थेबै केमैं मैंदै खीए ताँन् चेलामैं सैं तोंसि परमेश्‍वरए मिं क्वेदै थेबै कैले ओरबर होंइ।

लूका 4:39

छबिमा खी च ङाँर रासि जरलाइ हौदि‌इ, छले हौदिमा जरइ चलाइ पिवाइ। धै सबै तोदोंन् रेसि खेंमैंए सेवा लइ।

लूका 5:26

छाब् म्रोंसि चर्बै ताँन् म्हिमैं प्लेटोयाइ। धै परमेश्‍वरए के म्रोंसि बेल्‍ले ङ्हिंसि खीए मिं थेब लदै “तिंयाँ ङिंइ औदिबै के म्रोंइ,” बिइ।

लूका 9:43

परमेश्‍वरए च्हौ थेबै शक्‍ति म्रोंसि चमैं ताँन् प्लेटोयाइ। धै येशूजी लब्ब्रें लबै केमैंउँइँले ताँन् म्हिमैं अचम्‍मा तब् म्रोंसि खीजी ह्रोंसए चेलामैने बिइ,

चेला चिब्मैंए केमैं 11:18

चु ताँ थेसि यरूशलेमर्बै बिश्‍वासीमैंइ पत्रुसलाइ छ्याब् ल्‍हैदिब् पिवाइ, धै “तारे अरू ह्रेंर्बै म्हिमैंज्यै या मुक्‍ति योंरिगे बिसि परमेश्‍वरजी चमैंलाइ सैं एबै मौका पिंना!” बिसि चमैंइ ताँ क्होइ। झाइले चमैंइ परमेश्‍वरए मिं क्वेइ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

चेला चिब्मैंए केमैं 4:21

छले चमैंइ सजैं पिंबै ताँ तोइ आयों तलेबिस्याँ चर तरिबै ताँए ल्हागिर ताँन् म्हिमैंइ परमेश्‍वरए मिं क्वेरिल। छतसि चमैंइ पत्रुस नेरो यूहन्‍नालाइ बेल्‍ले हौदिसि पिमिंइ।

गलाती 1:24

छले ङइ सैं एसि परमेश्‍वरए के लब् म्रोंसि चमैंइ परमेश्‍वरए मिं क्वेइ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।