लूका 18:17 - परमेश्‍वरए ताँ तमु क्युइर

¹⁷ क्ह्रोंसेंन्ले ङ क्हेमैंने बिमुँ, ह्रोंसए आबा-आमाइ बिब चु च्‍योंबै कोलोमैंइ ङिंम्। छतसि क्हेमैं या परमेश्‍वरजी बिब् ङिंन्। आङिंइ बिस्याँ क्हेमैं परमेश्‍वरए ग्याल्सर होंल् योंरिब् आरे।”

लूका 18:17 ပူးပေါင်းရင်းမြစ်များ

मत्ती 18:3

बिइ, “क्ह्रोंसेंन्ले ङ क्हेमैंने बिमुँ, क्‍हेमैंए सैं एसि छाबै च्‍योंबै कोलोमैंल् धों तबै सैं आप्‍ह्‍यास्याँ क्‍हेमैं स्‍वर्गर्बै ग्याल्सर खोंयोंइ होंल् योंरिब् आरे।

मत्ती 19:14

दिलेया येशूजी बिइ, “कोलोमैं ङ ङाँर खल् पिंन्, चमैं आक्वेद्। तलेबिस्याँ स्‍वर्गर्बै ग्याल्स छाबै कोलोमैंए ल्हागिर्न ग।”

मर्कूस 10:15

क्ह्रोंसेंन्ले ङ क्हेमैंने बिमुँ, च्‍योंबै कोलोमैंइ [खेंमैंए आबा-आमाए फिर छेनले भर लब्] धोंले, परमेश्‍वरए फिर भर थेंसि म्‍हाँदिब्मैंइ मत्‍त्रे परमेश्‍वरउँइँले आशिक योंब्‍मुँ, धै परमेश्‍वरए ग्याल्सर होंब्‍मुँ।”

लूका 18:16

दिलेया येशूजी कोलोमैं ह्रोंस ङाँर हुइसि चेलामैंने बिइ, “कोलोमैं ङ ङाँर खल् पिंन्। चमैंलाइ आखो आबिद्, तलेबिस्याँ परमेश्‍वरए ग्याल्स चुमैं धों तब्मैंल् ग।

१ कोरिन्थी 14:20

ओ अलि-अङाँमैं, च्हैंब्-मैंब् लल् त्हुबै केर कोलोमैं धों आतद्। आछ्याँबै केर कोलोमैं धों तद्, दिलेया च्हैंब्-मैंब् लल् त्हुबै केर पाको म्हि धों तद्।

१ पत्रुस 1:14

क्‍हेमैं परमेश्‍वरए ताँ ङिंबै प्‍हसेमैं तबइले ओंसों येशूलाइ ङो आसेमा लबै आछ्याँबै केमैं तारे आलद्।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।