लूका 17:33 - परमेश्‍वरए ताँ तमु क्युइर

³³ खाबइ ह्रोंस जोगेल् म्‍हैमुँ, चइ खोंयोंइ आखाँबै छ्ह योंरिब् आरे, दिलेया खाबइ ह्रोंसलाइ तो धोंइ आङ्हाँ चमैंइ खोंयोंइ आखाँबै छ्ह योंब्‍मुँ।

लूका 17:33 ပူးပေါင်းရင်းမြစ်များ

मत्ती 10:39

खाबइ ह्रोंसए ज्यु जोगेल् म्‍हैमुँ, चए ज्यु नास तब्‍मुँ। दिलेया ङए चेला तसि ह्रोंसए ज्यु पिंब्मैंइ जीबन योंब्‍मुँ।”

मत्ती 16:25

तलेबिस्याँ ह्रोंसलाइ जोगेल् म्‍हैब्मैं नास तब्‍मुँ। दिलेया ङए ल्हागिर ह्रोंसए ज्यु पिब्मैंइ खोंयोंइ आखाँबै छ्ह योंब्‍मुँ।

लूका 17:34

ङ धबै क्‍हेमैंने बिमुँ, च म्‍हुँइँसर क्‍ल्‍ह्‍यो घ्रिर्न रोरिब्मैं ङ्हिंए न्‍होंरि घ्रि परमेश्‍वरजी बोब्‍मुँ, घ्रि वाथेंब्‍मुँ।

यूहन्‍ना 12:25

ह्रोंसए ज्यु म्हाँया लब्मैंला ज्यु नास तयाब्मुँ। दिलेया परमेश्‍वरए केए ल्हागिरि सिलन् त्हुलेया तो धोंइ आङ्हाँन्ले प्रब्मैंइ बिस्याँ खोंयोंइ आखाँबै छ्ह योंब्‍मुँ।

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।