लूका 17:30 - परमेश्‍वरए ताँ तमु क्युइर

³⁰ म्हिए च्ह युबै त्हेरै या छान् तब्‍मुँ।

लूका 17:30 ပူးပေါင်းရင်းမြစ်များ

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 24:3

येशू जैतून बिबै कोंर क्हुँरिमा खीए चेलामैं खाबज्यै आसेल्‍ले खी ङाँर खसि खीने ङ्योएइ, “छाबै त्हे खोंयों तम्? धै क्‍हि एयुबै त्हे नेरो चु ह्‍युल नास तमा खैबै चिनुमैं तमुँ?”

मत्ती 24:37

स्‍योंम्‍बै नोआए पलोर था आसेल्‍ले नाँ बाढि युब् धोंले म्हिए च्ह या था आसेल्‍ले युब्‍मुँ।

मत्ती 24:39

झाइले बाढि युसि स्वात्तन् आबोन् समा चमैंइ तोइ आसेल। च धोंलेन् म्‍हिमैंइ आसेल्‍ले म्हिए च्ह युब्‍मुँ।

मत्ती 26:64

येशूजी चने बिइ, “ङ चन् ग बिसि क्‍हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्‍वरए क्‍योलोउँइँ क्हुँरिब नरो मुर्बै न्‍हाँम्‍स्योर युरिब क्‍हेमैंइ म्रोंब्‍मुँ।”

मर्कूस 13:26

च लिउँइँ म्हिए च्ह बेल्‍ले थेबै शक्‍तिर नेरो बेल्‍ले म्हारल्‍ले न्हाँम्स्योए म्हाँजोर युरिब म्‍हिमैंइ म्रोंब्मुँ।

लूका 17:24

तलेबिस्याँ मुर काँम्‍लि-तिम्‍लि रामा मुए छेउ घ्रिउँइँले अर्को छेउ समा चारमुँ, छलेन म्हिए च्ह युबै त्हिंइरै या छान् तब्मुँ।

लूका 17:29

दिलेया लोतइ सदोम सहर पिबै त्हिंइर्न परमेश्‍वरजी मुउँइँले मि नेरो बारुद भ्‍योंमिंसि चर्बै म्हिमैं ताँन् सैवाइ।

लूका 21:22

तलेबिस्याँ परमेश्‍वरए छ्वेर प्ह्रिबै ताँमैं ताँन् पूरा तबै ल्हागिरि परमेश्‍वरजी बदला किंबै त्‍हिंइ च तब्‍मुँ।

लूका 21:27

च लिउँइँ म्हिए च्ह थेबै शक्‍ति नेरो म्हारल्‍ले न्‍हाँम्‍स्योर युरिब म्हिमैंइ म्रोंब्‍मुँ।

१ कोरिन्थी 1:7

छतसि ङ्योए प्रभु येशू ख्रीष्‍ट युबै त्हिंइए घ्‍याँ ङ्ह्‍योरिमा क्‍हेमैंलाइ चैदिबै परमेश्‍वरउँइँले योंल् त्हुबै बरदान तो मुँलेया क्हेमैंने खाँचो तरिब् आरे।

१ कोरिन्थी 1:8

ङ्योए प्रभु येशू ख्रीष्‍ट युबै त्हिंइर क्‍हेमैंलाइ तोइ छ्याब् आरेब लमिंरिगे बिसि खीजीन् लिउँइँ समा क्हेमैंए बिश्‍वासर भोंब लमिंब्मुँ।

कलस्सी 3:4

ङ्योलाइ छ्ह पिंब येशू ख्रीष्‍ट ग, धै खी धबै ह्‍युलर युमा क्हेमैं या खीने बालुन् म्रोंसि मान योंब्मुँ।

२ थेसलोनिकी 1:7

झाइले क्‍हेमैं दुःख योंब्‍मैं नेरो ङि या परमेश्‍वरजी सुख पिंब्‍मुँ। प्रभु येशू ह्रोंसए शक्‍ति मुँबै स्‍वर्गदूतमैंने लुँरिबै मिने स्‍वर्गउँइँले युबै त्हेर परमेश्‍वरजी ङ्योलाइ च सुख पिंब्मुँ।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

१ पत्रुस 4:13

बरु ख्रीष्‍ट बेल्‍ले थेबै मानर युमा क्हेमैं या सैं तोंल् योंरिगे बिसि खीजी सैदिब् धों तबै दुःख क्‍हेमैंज्यै या योंमा सैं तोंन्।

१ यूहन्‍ना 2:28

ओ ङइ खोबै कोलोमैं, ख्रीष्‍ट युमा ङ्यो भोंब तरिगे, धै खी युबै त्हिंइर खीए उँइँर ङ्यो फापिल् आत्‍हुरिगे बिसि खीनेन् घ्रिन् तसि प्रद्।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।

दर्शन 1:7

ङ्ह्‍योत्ति, येशू न्‍हाँम्‍स्योर युइन मुँ। खीलाइ सैब्मैं नेरो अरू ताँन् म्हिमैंज्यै या खी म्रोंब्‍मुँ। छले खि युरिब् म्रोंमा ह्‍युलर्बै ताँन् म्हिमैं न्हुँ लसि क्रोब्‍मुँ। आमेन, छान् तरिगे।